Laimi Kan Zia A Chuak Than Cuahmah Thantlang Dawr Neitu Cheukhat Nih Dawr Thil Man Van Tawng In An Kai

Thantlang dawr ngeitu hna sin nawlnak.Tulio cu kan theih cio bangin buaibai nak ruangah kawl lei thil lak khawh a si ti lo. dawr thil a dih cuahmah a sinain thil cawtu mipi ca zawn ruahnak um loin heh thil man nan kai mi hi a poi taktak eg. chiti 3500 man hna 9000 bak in nan kan zuarh mi hi a si bak lo. zei kan ti hnga thantlang khuachung dawr ngei paoh nih a hlan nan zuar bantuk in dawr thil nan zuar nak lai kan in nawl ko hna.palhsual mi remhthan nak 90000 si loin 9000 tu a si lai.Note: Thil rak lak cia mi pawl a kai mi hna kha kan chim duh mi a si mu tiah The Thantlang Times nih a langhter.

Salai Ngun San Aung hmurka relchap: PDF training tuahnak a phan mi kan ralbawi pakhat he bia kan iruah.”PDF-Magwe ramthen pawl cu an pasal tuk an training chungah pe le ngapih hmanh tha thi ei awk an ngei lo nain an lungthin a thawnning hmuh khawh tuk a si. Cun an umnak peng in MP le Minister a rak tuanmi upa pawl nih an um pi hna. Anmah zong training kaimi pawl eimi bak an ei i an sin bak ah an it.

Cun lecture pek caan ah anmah nih an pek hna tikah an mino pawl zong lecture tha tha an ngai kho” tiah a ka chimh.Khua tamtuk ka ruat. Mizo ram ah aa dormi kan Lai MP vialte le Election lio i a rak aukhuang len mi pawl kha ka ngai ruangmang hna. CDF he hriamtlaih le kan harnak ihrawm in an fimthiamnak cheuh le thazaang pek cu chimlo nihin tiang kan riantuannak ah MP le Minister hlun nih tangka thilri cu zat an kan hlut ti zong ka thei bal rih lo.


(Keimah ka theihlo zong cu a si kho). A caan caan te ah CNF camp ah an ra i hnuaisen hnuk in an ra buai, NUG e CRPH ee an ti i ngaih huam lo tiangin an ra phunzai. Miphun le ram caah cun nan duh le kan that uh kan ngamhtuk ti te hna in an rak hrocer in tluang an kan khawn hnawh salam.Naite ah Hakha ah ka lut i Hluttaw Speaker hlun Pu Zo Bawi cu tlahuar in zatlang lampi ah aa chok ko.


A inn zong cu special mangtara in a sak cuahmah ko i aa din bak lo. Ei awk ca lungrethei in mino thatha ramtang ah an um lio i inn le lo ttha ttha rak rianh zong cu khua ka ruat ngai.(2015_2020 kar kum 5 chung Chin MP le Minister a tuanmi lakah Sipin Minister U Soe Htet lawng hi CNF kan pule umnak camp a phan balmi si.)Kanmah te hmanh kan tlawm le kan harsat he kan ngakttah a fak ko ee..

Credit: Salai Ngun San Aung