Laipaih hi a fiar lo chin lengmang mah bantuk khi cu Lai nunphung a simi Laipaih a si lo

Laipaih hi Zaanglek zuamnak ahcun zoh a nuam lo pawl le caan a dih ngaimi a si. Aa Paihmi cheukhat cu i lak loin sau tuk an i tlai i caan a dih bak. Paihnak ah Pa a si ve komi nih cun vikvak in i lak colh thluahmah ding a si ko.Sau tuk i tlaih sawh i, i thui sawhmi Laipaih zaanglek zuamnak cu zoh huam ding a si lo. Zoh nuam lo i thazaang pek awk a ṭha lo.I lak bal loin i tlaih sawh peng i a zohtu tawkawng chit a sau tuk mi paih cu hlan lio Lai nunphung a simi Laipaih kha a si lo.Khat lei nih tengh cang ding si lio ah kut i thlah pengmi zer paih cu hlan lio Lai nunphung a simi Laipaih a si lo.

 

Tei cang ding si ruangah kut i tlah i a sir in tlak i tei lo ah chiah mi ralchiat paih cu hlan Lai nunphung a simi Laipaih kha a si lo.Aa pai mi micheu hi cu an zer tuk. Khat lei nih an tengh cang hna ding a si cun an kut an i thlah hram i an sir lei in an tla. Mah bantuk kha cu Zer Paih a si. Ralchiat Paih a si. A fiar lomi a si. Mahbantuk Laipaih cu a lungfim komi nih cun zoh fel ṭhan le i ruah ṭhan a hau. Naga Paih bantukin Laipaih hi a fiar hau.

Hlan kan pupa le hna hi tuchan Laipaih bantuk, khat lei nih an tei ding a si cang cun an kut thlah an rak hmang hraw lai lo. Hlan kan pa le cu tuchan Laipaih bantukin ralchiat paih in an rak i pai lo. An ral a chia lo. Pa lungput le thazaang an rak ngei. Tuchan Laipaih he cun an i tlau tuk.Atu tiangah cun Laipaih cu hlan lio Lai Nunphung pakhat a si ruangah kan sunghsak, kan dirpi, kan tlaihchan i kan uar i a si ko. Atu lio Paih cu a fiar lo tuk cang i hlan lio Lai nunphung a simi Laipaih ti awk a ṭha ti lo. Ruah ṭhan kan hau.

 

Hmanthlak ka tar mi lei ah kal ṭhan u sih.Atu lio zaanglek zuamnak ahcun Laipaih nih hin mino val hna a kan funtom kho bik. Chinmi funtom kho bik zaanglek zuamnak pumpululh chuih cu i sik velhnak a tam. Lai nunphung pakhat zong a simi Laipaih hi Lai mino a vun kan fumtom kho ngai caah a lamkip in dirti i, Laipaih a umnak ah CNA ca hna ah fund kawl, CND tuahnak ca hna ah fund kawl tiin kan ṭan rih a hau ko lai.Hiti ka vun ṭial ruangah Laipaih ka tlangthlak tinak a si lo.

Credit:Iang Ngei Lairam