Laitlang Ah Ningcang Lo In Hmunhma I Chuh Nak Nawl Hi A Cozah Zong Nih Nawlngeihnak A Nei Hlei Maw?

Thantlang peng Hnaring khuapi an pupa nih rak tuahmi certual chungah cozah zung sak timhnak kong le motor lam nih a tanmi kong cu duh lo in khuami minung 300 renglo nih July 14 (zarhpi ni) ah duhlonak langhter in lam an zawh tiah kan theih.Hnaring siangsangruun certual cu an pupa hna nih an mah minung thazaang tein an rak cawhmi a si bantuk in rawhral lo ding kong, certual a lai in motor lam pi an kalter nak kong, certual kam kip ah cozah zung saknak ding kong timhtuah mi cu khuami nih an duh lo caah a tubantuk in duhlonak an laghter hi a si.

 

Tutan duhlonak lam kan zawh hnu, zarhkhat si lo ah thlakhat chung ah khua mi nih ka hal mi an kan tawlrelpiak lo a si ahcun Media sin ah thawngfianhnak kan tuah lai. Cu i an kan ngaihpiak rih lo si cun Chin ramkulh cozah zunghmai ah duh lonak kan langhter rih lai” tiah khuami Michel nih a chim.Hnaring khua cu khuapi sinak pek a si bantuk in cozah zung saknak kongkau zong an tawlrel liopi a si. Hi duhlonak lamzawhnak cu July 14 chung suimilam 12:30 ah mizapi tonnak ngeih hnu suimilam 1:30pm in lam zawh an thok i zanlei suimilam 4 tluk ah an dihter tiah tiah The Chinland Poat nih a langhter.the chinland post.

Photo credit,the chinland post.

Mah bantuk thil hi Laitlang ah kum zei zat chung dah buaibai a hauh te hnga?Halkha khua chungah le Khuathar ah inn an sak mi, inn 100 leng a dir cangmi cu a cozah nih rawh piak ding an ti fawn hna.Hnaring khua tonmi le Halkha khuathar ton mi hi a ngaingai tiah cun a khat pah ko.zeicahtiah Halkha khuathar ah inn a sa mi pawl hna zong nih mah hmun hi cu kan pupa ro a si tiah an chim.Hnaring pawl hna zong nih an Certual/Kirawn hmun cu kan pupa tuah mi a si tiah an chim ve.

 

Mah hi hmun a neitu hna nawl lo in a cozah zong nih an mah duh paoh cun rian an t’uan awk cu a si hnga maw? hmunhma a neitu hna zangdonhnak chawva zei maw zat tal cu an liamh hna awk cu a si!a cozah zung sak nak ding hmun zong va si hmanh sehlaw,hmunhma aneitu hna nawl lo cun tuah khawh nak nawl cu an nei hlei hnga maw?Lai tlangah kan ton cuahmah mi buaibainak hi ni khat khat ah cun thil t’ihnung ah a cang kho mi a si.zei can dah? hi ti bantuk buaibainak hi Laitlang chungah a um peng ko rih lai?