Sipin hmun area chung cio cio acheu pungsan 7 tuah piak acheu chuh/ting kan duh lo, aherh ning in kan cawl lai tiah Thantlang dum nei pawl nih an ti.Hakha le Thantlang atu lio kan buai bik micu vulei chuh, dum chuh, in hmun chuh a si, buai lo awk zong cu a tha hrim hrim lo. Mah a chuah nak bik aruang cu Hakha khua kuah duh ruangah Hakha khuapi hmunhma sipin area cu meng (43.90) tungvang palh in cozah nih sipin vulei ah a vun kuah ciam mam i ahlan lothlo le dum nei pawl an ni khat lam kal hmunhma vialte cu khuapi chungah ai khumh dih.
Thantlang zong cu thiam thiam. Lo le dum nei pawl nih le a tam deuh cu lo le dum laisen tuah hi an thei lo i a tuah ningcang zong an thiam lo, khuabawi sin hmun rak hal i tuan nak nawl pek mi an tam, tlawmpal nih khuabawi nawl pek mi ning in tuan nak nawl pek mi pungsan 1 lawng an nei hna. Mah hna pawl kong hi cozah le rian neitu nih tha te le fel te an tawlrel hnu lawngah a herh ning in Sipin hmunhma hi akauh a hman ding a si.
Upadi cungah mizeihmanh um phung a si lo i, upadi nih mi zeihmanh a thei dan ding a si lo, cozah nih sipin hmun a kuah cang lai ti theih le cang ka in mifim, mirum, mithiam hna le bawi he ai thei poah an hmun an lo, an dum pawl cu inn hmun laisen pungsan 105-106 le pungsan pungsan 7ah an thlen khawh dih. Sifak santlailo le cathiam lo, bawi he aithei lo poah na hmun khuabawi pek nak ca le mesazin zung nih tuannak nawl pek mi pungsan 1 cu cozah nih a hrawh cang na vulei asi tilo cozah vulei a si cang kan in ting an ti hna ti ca an pek hna tikah vulei neitu hna nih an hman lo ning an hmuh ve tikah thih ngamh in an cawl i buai nak tampi a chuah nak a si.
Mah kong hi cozah nih fel tein a zohfel a hau, sinpin hmun chung um cio a cheu laisen tuah piak, a cheu chuh phung a si lo. Kan nih Thantlang le bang cu mah kongah kan buai tak tak lio a si dum le hmun chuh ding inn (100 ) hrawng zong bia tak tein cawlcangh an i tim.
Credit:Lal Maung Cung Cinzah