Lal Maung Cung: Hakha Inn Hmun Kong Cozah Le Vulei Nei Pawl Buainak Kongah Ka Ruah Mi

Lai miphun hi kan pipu chan in thlachiat ruat mi miphun kan si, chawmh rawih hmang mi miphun zong kan si i chawmhrawih mi an um ahcun mah rian tuan loin mi bawmh ah a kal mi miphun kan si. Zeiruang ah dah Hakha khua inn hmun samh nak kongah mah tluk lawmman in buainak a chuah. Chin pine cozah nih ai tinh mi a tha ngai ko i pupa ram nei le dum nei zong nih thlachiat ruat in ram pekding caah ruah mi an nei ve ko lai.

Asinain zei ruangah dah an buai ti ahcun cozah lei nih nawlneih nak hrianam an hman i ramnei tu lei nih Chin nun phung pupa ro le 2018 vulei chuh ning upadi an i tlaih ve , mah ning hin cun buainak hi fawi tein a dih lai lo.Thantlang ah No. (1) Block, Siang inn sang zahnaktlang le vanzang tlang lam khuathar kan rak samh lio ah a dihlak ti awk in dum lawng te a si , kan vulei anti dih, Myone ohchohzihmu U Kyaw Win nih a buai tuk ding a si caah ka tuan ngam lai lo tiah a ti i nang mipi thim mi MP na si nangmah nih hi khua thar inhmun samh nak kong ah Chairman tuan law tavuan la a herh mi poah Committee kan ser lai i kan in bawmh lai ati.

 

Lal Maung Cung photo.

Cu ticun khuanu khuapa le zung kip upa hna tel in committee kan ser i dum neitu, vulei neitu vialte kan auh hna khua thar samh kan timhnak a kong le nan mah nih thlachiat nan ruah i nan kan bawmh lawng ah khuathar hi samh khawh a si lai, kan bawm u tiah zaangfah kan nawl hna. An mah zong voitam pi an i caih voitampi kan i ton hnu ah an duh ning an chim, kan duh ning kan chim kan i detkhawt hna kan i el pah hna nain an vulei cu in hmun pakhat cio kan pek hna,a kau tuk mi hmunhnih kan pek hna i lunglawm tein an up dih ko.

 

An laisen tuahnak kan bawmh hna i atu cu khuathar tlingah ai chuah cang ko. Chim ka duh mi cu Cozah le vulei nei pawl i tong lengmang uh, i caih uh, nawlneih nak le upadi rumro i tlaih hlah u, Cozah tha, hruaitu tha, uktu tha timi cu nawlneih nak le upadi lawng tlaih in mi an uk an hruai lo. Hakha inhmun buai nak kongah kan lung nuamh lo cio caah ka lung um mi ka vun tial ve mi a si.

 

Credit:Lal Maung Cung

Author: Salai Ephraim