Lami Ka Zia Fih Kan Nung Tuk Ralhrang Rian Tuan Ciocio Dr Ngun Cung Lian Le Henry Van Thio Karlak Duh Danh Nak Nan Nei

Chin mi(Laimi) kan zia tthinh a hau, Dr, Ngun Cung Lian cu ralkap lei ttang(ruahnak pe tu)tiah heh tiah a hmual nan phoh, nan sawisel,Henry Van Thio tu cu ralkap nih uk nak a lak hnu zong ah a rian pehzulh in a ttuan ko nain cu kha nan ti loh, mi thleidan nan hmang,tiah Salai Tluang Za Thang nih a mah fb cahmai ah a tar.

Relchap; American ralkap hlun Trainers pawl he Special Force Cawnnak CNDF nih an tuah.Sagaing ramthen, Kalay peng chung ah American ralkap Trainers pawl he Special Force cawnnak an tuah tiah CNDF Vakok nih December 12 ah a thanh.Trainers pawl caan an ngaih lo tuk ruang le CNDF Vakok budgets ruang ah a cawngtu tlawmte le caan tawite chung lawng an tuah khawh tiah theih a si.

Hriamngan ruang ah Yinbaungdai khua hngakchia 2 an nunnak a liam.SAC nih vanlei in kahdohnak a tuah ruang ah Sagaing ramáš­hen, Yinmapin peng, Yinbaungdai khua December 16 zinglei ah a puak rih lo mi hriamngan an tongh ruang ah hngakchia 2 an nunnak a liam tiah khuami hna nih RFA ah an chim.

A nunnak a liam mi hna hi kum 5 hngakchia Mg Htet Bone Naing le thla 7 lawng a si rih mi Mg Hein Thura Kyaw hna an si tiah a chim.Vanlei in kahdohnak an tuah lio ah a taang i a puak rih lo mi hriamngan an tongh i a puah caah an nunnak a liam hi a si tiah khuami 1 nih RFA ah a chim.

Yinbaungdai khua cu SAC ralkap nih August 11-14 tiang vanlei le vawlei lei in fonh in fak pi in kahdohnak a tuah i cu lio ah kum 10-85 kar mipi 19 an nunnak a liam.RFA nih a khawmhsuat mi cazin ning ah October 1 in November 30 tiang thla 2 chung ah SAC i vanlei, vawlei lei, hriamngan kah ruang le Bomrap buah ruang ah mipi 105 an nunnak a liam cang i 263 an i hliam. A nunnak chung ah hngakchia 15 an i tel i hliam a tuar mi hngakchia 47 an i tel.

Credit: The Chinland Post

Author: Salai Ephraim