Chin ram kulh a cozah hruai nak in a ra lai mi February thla chungah (CHIN MIPHUN NI) cu sunglawi taktak in Paletwa khuapi chungah tuah dingin timhlamhnak ngeih a si cang.a mah belte tuchun ni tiang Paletwa ramkulh chungah AA hriamtlai pawl hna an cawlcang peng a fawi nak kan chim a si ah cun Paletwa ramkulh cu a him lo.
Hi konghe pehtlai in Chin ramkulh Sipin bawi U Soe Thet nih a chim mi cu,”Paletwa khuapi chungah sunglawi taktak in aChin ramkulh a cozah nih “Chin miphun ni”cu tuah dingin timhlamh nak a ngei cuahmah ko na in Chin ram a si mi Paletwa ramkulh cu a him rihlo caah Chin miphun ni cu Paletwa ah tuahlo in Thantlang tu ah tuah dingin a hmun t’hial le thawn t’han a si”tiah a chim.
Abik 2020 Chin Miphun Ni tuahnak hmun kan t’hial nak hi Paletwa khuapi kan tuah a si ah cun hmun dangdang in Chin ramkulh chung ah Pa can kan i ngeihmi hna khual lian tampi an rak tlung dingmi an si.mipi zong tampi a rak ra ding an si caah “khualian” Upa hna le hmun dangdang in a rak ra dingmi hna caah Paletwa ramkulh cu a him lo caah Thantlang ah tuah dingin kan t’hial nak cu a si tiah a chim fawn.
Cun,2020 Chin Miphun Ni cu sunglawi taktak in Thantlang ah tuah a si lai i,a ra lai mi 2021 tu ah Paletwa khuapi ah cun tuah a si te lai tiah a chim.a mah belte ruah awk a um mi cu Paletwa ramkulh chung buaibainak hi a caan a sau cang. 2021 chung zongah khin a dai hlei te hnga maw? ti hi a si.zeicatiah a tu zongah NCA minthut dingin tawlrel cuahmah lio cu a si na in remdaihnak taktak a um hnu lawngah NCA minthut cu tuah an timh.
Asinain, U Soe Thet nih a chim ningah cun remdaihnak tuah dingin NCA min thut nak tuah dingah tawlrel cuahmah a si.remdaihnak a um khawh nak dingah a lamkip in cawlcangh le tawlrel cuahmah a si i 2021 ah cun Paletwa khuapi chungah Chin Miphun Ni cu kan tuah te lai tiah a chim.cun,2020 Chin Miphun Ni cu Thantlang ah tuah a si lai i,khi ni le caan ah khin “Kaladan hlei”On nak zong Thantlang ah tuah chih a si fawn lai tiah a chim.
Credit:chindwinpost
