Kum 1925 lio in Ralpi pakhat lio ah mithi hna le Khrihfa mi hna philhlonak caah ti in Peace Cross Vailamtah an rak sermi i Maryland state chungah an phunmi cu US Supreme Court nih rawh t’hanlo dingah biachahnak a tuah t’han.hi thil rawh dingah a chimtu hna hi American Humanist Association hruaitu hna an si.mah hruaitu pawl hna nih an ruah ningah cun Peace Cross Vailamtah a rak sertu hna nih hin Biaknak lei ah duhdanh nei in an rak tuahmi a si tiin US Supreme Court ah rawh dingin nawlpatnak an tuah.
Cun, Khrihfa mi hna nih hi thil an tuahmi cu ( Establishment Clause of First Amendment) timi an buar tiah an chim fawn.hi konghe pehtlai in 2017 lio ah khan US First Liberty Institute nih Peace Cross Vailamtah cu rawh dingin rian a rak t’uan bal cang i,an rian t’uan nak cu US Fourth Circuit of Appeals hruaitu pawl hna zong nih a t’ha tiah an rak cohlan piak hna.asinain Supreme Court biaceihtu hna nih an rak hnawl piak fawn cang hna tiah an chim.
Hi konghe pehtlai in Pathian nih a hman taktak mim Rev. Franklin Graha nih cun Peace Cross Vailamtah rawhnak ding kongah Supreme Court biaceih tu hna nih phungning tein biachahnak nan tuah awk a si.cun hi Peace Cross Vailamtah rawh nak dingah Liberal judges biaceihtu hna nih cun rawh a si nak dingin rian an t’uan peng ko lai.asinain President lTrump le Senate le Judge biaceihtu hna rian t’uan nak tu a biapi ngaingai mi a si tiah a rak chim.cu hnu ah hi tibantuk in thawngpang an vun theih t’han tik ah cun Rev. Franklin Graham nih cun American ram chung Khrihfa vialte sin ah t’angti dingin forh fialnak bia a chim pin ah a lawmhnak bia zong a chim tiah an chim.
US Supreme Court nih Peace Cross Vailamtah rawh nak ding kongah vote lak nak a tuah i rawh a duhlo mi lei in vote 7 a tla i,rawh a duhmi lei in cun vote 2 te lawng a tla.cun rawh a duh mi lei in Liberal Judges biaceihtu minung pahnih Justice Ruth Bader Ginsbergs le Justice Sonia Sotomayor hna nih cun a zei lei hmanh ah vote an thla duhlo tiah an chim.hi ruangah hin Trump nih cun US Supreme Court biaceihtu hna lak ah a mah cozah hruaitu hna chungin minung pathum hna cu Khrihfa mi hna vengtu dingah US Supreme Court biaceihtu ah a chiah khawh men hna tiah an chim.
Source: BBC
