Syria tualchung ral ruangah an ram um ngamlo in Lebanon ram ah a dormi hna Syria ralzam chungin minung 1000 hna cu Lebanon cozah nih an ram lei ah a kir ter t’han hna tiah National News Agency nih thanhnak a tuah.Syira tualchung buaibainak ruangah Syria ram mi hna zei maw zat hna cu an ram ah khuasa ngamlo in an ram inn pa a si mi Lebanon ram chung khua kenkip ah an i dor hna i um hmum an khuar.
Lebanon ram chung hmun kip ah a dormi Syria ralzam hna kongah “Lebanese General Security”nih biatak tein Syria ralzam nih an mah ram te ah an kir khawh i an mah le inn lo tang teah him tein khua an sak khawh nak hnga ding caah a tawlrel hna hnu in Lebanon ram chung khua Beirut, Zahle, Sidon le Tripoli khua ah a um mi hna Syria ralzam pawl hna cu tonbiaruahnak a ngeihpi hna hnu in an mah lungtling nak he “BUS” in Syria ram ah minung 1000 a chiah t’han hna tiah an chim.
Cun,Lenbanon ramchung ah khuasa mi Syira ralzam pawl hna cu UN High Commissioner for Refugees (UNHCR) aiawh in UN Refugee Agency pawl hna nih biatak tein an zohkhenh hna pin ah a tu tan ah Syria ralzam pawl hna nih an ram ah kir khawh nak ding caah a tawlrel tu Lebanese General Security pawl hna zong UN High Commissioner for Refugees (UNHCR) aiawh in UN Refugee Agency nih a lamkip in a bawmhchanh hna tiah an chim fawn.
Hi konghe pehtlai in Lebanon cozah nih thanhnak a tuah ningah cun Lebanon ram chungah a rak i dor mi hna Syria ralzam pawl hna cu March thla 19 in a tu tiangah hin minung 1,72046 tluk hna cu Syira ram ah kirter an si cang tiah a chim.Lebanon, UNHCR sinah Syria ram mi hna ralzam sinak min a pe mi hna hi an dihlak in minung 1 million tluk an si tiah UNHCR nih cun a chim.asinain Lebanon cozah nih a chim nungah cun 1.5 million tluk an si tiah a chim.hi ruangah Lebanon cozah nih cun a ram chungah ralzam sinak in a ram i dormi hna zohkhenhnak caah ti in ramdang sinah bawmhnak zong a rak hal bal cang tiah an chim.
Source:AFP
