Lih Rumro In Ralhrangbu Nih Thawngzamhnak A Hman Mi MRTV Inn Kulh Chung Ummi Cei Lai An Kah Hna

MRTV Inn Kulh Chung Ummi Ralhrangbu An Kah Hna,Thi Le Hliammi An Um August 7 zan suimilam 9 hrawngah Yagon, Kamayut le Sanchong khua kar ah a ummi Myanmar Radio and Television innkulh chungah runvennak a la mi ralhrangbu rallokap hna cu Mawtaw chungin an kah hna tiah mit in a hmu mi pakhat nih a chim.

Kamayut peng, Pyi lam le Hanthawady lam ton ah a ummi MRTV innkulh chungah a ummi cu mawtaw pakhat a rak ra mi chungin an kah mi a si.Kaphnih an i kap i, rallokap pakhat a thi, hliam a tuar mi zong an um.Lam ah a chawk lio mi pakhat zong meithal hma a pu tiah theih a si.

Mit in a hmu mi pakhat nih ‘kan mawtaw hmai bak ah a cang mi a si ralhrangbu pakhat a thi.Mizaw phor mawtaw nih a rak lak mi zong kan hmuh ko.Kyuntaw lei ah ralhrangbu mawtaw an dawi mi cu ka hmuh hmanh tiah a chim.

Tlawmpal ah ralhrangbu hna nih Menikung hlei, U Witsarah wai, Dawpung hlei tumnak, Mahar badulah hlei tumnak kutka, Thakayta, Yangon pawngkam vialte an phih, an kawl hlai cuahmah tiah Khit Thit Media nih a tial.

Credit: The Chin Post