Lohtlau Taktak A Si Cang Tuluk Nih Australia Cozah Cu Faktuk In A Den Taktak Ko Cang

Covid tlangrai,minung pulrai ruangah Tuluk hi ral a nei chin lengmang.asinain Covid tlangrai chuahkeh ning,minung pulrai ah a can ning hna cu kherhlainak cu a tu tiang in tuah a duh bak loh!hi ruangah kan theih bantuk in US nih WHO sinah funds pek ti lo dingin biachahnak zong a tuah phah nak kha a si.cu pin ah Trump nih a chim pengmi cu WHO cu Tuluk lentecelknak tualrawn sawhsawh men a si a ti.

 

 

 

 

 

 

 

 

 

Kan hnu lei ah WHO tawlrelnak in World Health Assembly ton biaruahnak cu Online in tuah a si.cu tonbiaruahnak ah ceikhan mi tampi a um mi chungah Tuluk president Xi Jinping a tel rua lai lo an ti mi cu ruahlopi bantuk in a tel kho ve.US le European Union nih Covid tlangrai chuahkehning kherhlainak kongah an vun den tik ah Tuluk nih cun a nihnihnak ni ah a t’ha ko tiah fiangfai lo nawn in a rak leh hna.cu hnu ah US nih WHO cu Tuluk nih kherhlainak tuah dingin a cohlan nak hnga na tawlrel awk a si lai tiah a rak chimh.

 

 

 

 

 

 

 

 

Asinain WHO nih a pehzulh ti lo caah Tuluk nih Covid tlangrai kherhlainak “Coronavirus inquiry” kongah kar a hlang mi paoh cu kei mah nan kan dohta or rawh ta a herh lai tiah a hung i cer hro t’han.Australia cozah nih cun Covid tlangrai kherhlainak kongah US nih a tawlrel mi cu a dih dongh tiangin US hnu ka zul lai tiah a chim pin ah Covid tlangrai a chuahkeh ning cu fiang tein kan hmuhchuah awk hrimhrim a si tiah a nawlh t’han rih.Curuangah Tuluk nih cun Australia cozah nih ka ram chungah thil a zuar man “ngunkhuai” hna cu 80% tluk in kan lak lai tiah a hrocer cawlh.

 

 

 

 

 

 

 

 

Tuluk nih cun hi tin order a vun chuah,”Australia nih Tuluk ram chungah Barley le Cawsa etc..tibantuk a luhter mi le a zuar mi man hna cu 80% tluk in ngunkhuai ka lak cang lai.Coronavirus pandemic ruangah Australia ram chungah Beef company lian cem mi pa 4 hna cu” blacklist ” ah a chiah piak rih hna, Australia ram chungah Tuluk ram mi hna hlawhfa rian a t’uan mi hna le Cacawngmi sianngakchia hna cu Australia cozah nih na zoh niam hna i na ram mi he thlaidannak na ngeih caah Tuluk ram mi hna cu Australia ram ah mi zei hmanh um kal lo ding an si cang lai”tiah nawl a chuah t’han rih.