Lomh Um Ko.Trump Lam A Ceu Tertu Democrats Party Bochan Mi Hna Mayor Minung Pa Ruk

Trump caah lamkhamtu le ral lian cem tiah kan ruah mi hna Democrats Party chungtel hmanh ah ‘Mayor’ minung pa 6 bak nih an Pu.Joe Biden nak in Trump an dirkamhnak kongah vawlei pi theih in an vun phuan mi cu dah ngai, Trump dirkamhtu hna caah cun thaw a hung chuak phut ti khawh a si.Cu lio ah Pu.Joe Biden caah cun cel dolh kho lo in hrawm hmeh mi ko a lo fawn lai.

 

Democrats party chungah an i bochan mi hna,’Harbors Mayor Chris Swanson, Virginia Mayor Larry Cuffe , Chisholm Mayor John ChampaEly Mayor Chuck Novak, Eveleth Mayor Robert Vlaisavljevich of Eveleth & Babbitt Mayor Andrea’hna nih cun lungrual tein President Donald Trump kan dirkamh,zeicatiah Trump cu USA ram le mipi caah kan thim tiah statements an chuah.

 

Cun, Joe Biden nak cun Trump cu a lamkip in kan zumh i kan bochan pin ah a ra lai mi US ithim nak zongah tei nak a hmuh hrimhrim lai.cu hlan ah cun US ithimnak ah Democrats lei in ‘Candidate’an um ah cun a chia,a t’ha ti lo in kan mah Democrats party paoh kha vote kan rak pek hna.

 

Asinain 2016 hnu lei ah Donald Trump rian t’uan ning le a cawlcangh nak nih a kan thlen cang.a bik in Trump nih Tuluk a dir onh ngam mi hi zeidang nak hmanh in dirkamh a phu.Cucaah Mike Pence le Trump cu kan dirkamh zungzal hna lai tiah an chim.

 

Note: Daily Mail nih a langhter mi chung in a tawinak tein vun thai mi a si.mah ti a si ah cun Trump caah cun lam a ceu chin lengmang ko ti khawh a si.