Lomhnak A Tam Ko Ralhrang Helicopter Cu Tla Lak In An Kahthlak Piak Khawh Hna

Karen Ram Ah SAC Ralhrang Nih Helicopter In A Kah Than Hna!Karen ramkulh Kawkareik (ကော့ကရိတ်) peng chung nihin zingah kahdohnak a chuak i SAC ralhrang nih raltuknak ‘Helicopter’ in a kah hna tiah Khit Thit Media nih a langhter.


“December 27 zing slm11:40 tluk ah ralhrang nih “helicopter” a hman, December 16 lio in nihin tiang (ni 11 chung) pehtlai in kahdohnak a chuak, ralhrang bawi thimi ruak an charkho rihlo silai Mi35 hmangin cunglei in a kah hna” tiah tualchung hriamtlai lei in theih a si.

SAC Ralhrang Nih Jet Vanlawng In Bomb An Thlak Hna Caah Mipi 4 An Thi!Magway ramtthen Saw peng Naungkan (ညောင်ကန်) khua ah SAC ralhrang nih kahdohnak umlo nain Jet vanlawng hmangin Bomb an thlak hna caah tualchungmi minung 4 nunnak a liam tiah theih a si.

“December 26 chun slm2:00 tluk ah Jet vanlawng pakhat in Bomb an thlak hna i nitlak lei ah a zuang, a kirpah ah Bomb thlak pah in an kah tthan hna caah nu pakhat le pa pa 3 nunnak a liam. Nu pakhat le pa pa 7 nih hliamhma an tuar” tiah Yaw hriamtlai in Ko Aung Gyi nih Khit Thit Media ah a chim.SAC ralhrang nih kahdohnak zong umlo nain i tinhchih tein Jet vanlawng hmangin a kah hna tiah a chimchih.

Credit: Lungmili Post

Author: Salai Ephraim