Lomhpi Cio Hna Usih A Rauh Hlan Ah Falam Nih FM Radio An Chuah Khawh Cang Lai

Falam khuapi chung ah IMS-FOJO he i komh in a rauh hlan ah Falam FM Radio cu an chuah khawh cang lai ti ah thawngpang t’ha taktak theih a si.

Cun hi FM Radio chuah khawh nak dingah IMS-FOJO hna nih cun April 25 khan May 1 tiang bak Broadcasting Journalism kong cu training pek le cawn piak an si cang tiah an chim fawn.

 

Cun kan mah Chinholh te a si mi Falam holh in thawngzamhnak tuah a si lai i an centere ah cun Falam khua chung ah a um mi YCC Inn pi cu hman a si lai.hi konghe pehtlai in t’uanvo neitu cu Salai Ngepi a si lai tiah theih a si.

Salai Ngepi nih cun hi FM Radio chuah nak konghe pehtlai in IMS-FOJO hna he Yangon ah i pehtleihnak kan tuah i FM Radio chuah khawh nak dingah a herh mithilri zong Falam ah phurh le ken dih dingin kan i tim.

Cun IMS-FOJO pawl hna nih cun Falam khua ah hi thil nan tuah khawh nak ding caah cun a tlawm bik in rian t’uantu minung 15 tal nan tlin a hau lai tiah an chim.asinain training a kai taktak mi hna cu minung 8 lawng an si.

 

Cun June thla khin Broadcasting Journalism kong cu training pek t’han dingin timhlamhnak kan nei.a mah belte Falam holh in FM Radio belte cu hmaizarh in thawk kan i tim tiah a chim.

 

FM Radio in kan chim dingmi hna le kan langhter dingmi hna cu Thawngpang, Mipi Au-aw, Hla, Biazai ti bantuk pawl an si lai i nikhat ah suimulam pakhat chung leng mang a si lai tiah a chim.

 

Credit: thechintimes