British Prime Minister Theresa May nih a rak chim ning tein a rian cu July 24 ah a chuak tak cang lai.cun, British Prime Minister Theresa May rian konghe pehtlei in a rian chawngtu ding hna hi july 23 ah Conservative party member chungtel minung 160,000 hna nih thimnak an tuah lai.British Prime Minister Theresa rian chawntu dingah hin Boris Johnson le Jeremy Hunt hna an si i, Boris Johnson hi Theresa May rian t’uan ning le a policy a uar ngaitu a si na in a mah hi thim a si lai tiah mipi nih an zumh mi a si.
American President Donald Trump nih cun Boris Johnson hi Prime Minister Theresa May rian chawngtu dingah cun a tlak cem mi a si ko.zeicahtiah Theresa May nih a tlamtlinh lo mi thil vialte hna cu a mah nih hin a tlamtlinh khawh lai tiah a chim.cun,Boris Johnson a tlin a si ah cun a thaizing ah khin a ran nak in Boris Johnson cu Queen Eluzabeth sin ah kapi a si lai i,Buckingham ah Pathian le mipi hna hmai ah biakamnak tuahter cawlh a si lai tiah an chim.
Cun, Prime Minister Theresa May hnuzultu Finance Minister Philip Hammond nih cun Boris Johnson nih British Prime Minister sinak a tinco a si ah cun, rian khinh a si ni le caan hna cu ka rian ka chuah tak ni le caan a si ve lai tiah The Sunday Times thawngzamhtu hna sin ah a chim.Mr Boris Johnson nih cun Prime Minister sinak ka co a si ah cun October 31 .2019 hlan hrimhrim ah British ram cu EU ram in kan chuak lai,cun, zei bantuk dawn khantu thil le lamkham tu thil zong um hmanh sehlaw kan chuak hrimhrim lai tiah a chim.
Asinain British ram cu EU ram in chuah an duh lo ruangah British Parliament nih Theresa May zong cu an rak hnawl peng mi a si.curuang tak ah cu Theresa May zong nih British Prime Minister rian a tleih nak in a chuak nak cu a si.hi ruangah hin Rory Stewar International secretary rian t’uan lio mi hna David Gauke Justice secretary le Greg Clark Business secretary le Tobias Ellword Defense secretary hna zong nih an rian chuahtak an timh mi hi a si.hi secretary pawl hna nih an rian chuah tak an timh hnawh chan bik mi cu British ram hi EU ram in a chuah awk a si lo ti hi a si.
Source: BBC
