Nai teah Mizoram Lawngtlai District chung a si mi Hmawngbuchhuah khua ah Chin ralzam a dor mi zei maw zat hna cu July 2.2019 ah khan Mizoram cozah nih minung 219 bak a t’hawl hna i,Chin ralzam pawl hna nih Paletwa ram chung an inn lo va fuh t’han dingah an nun nak a him lo nak kong le kir an ngamh lo nak kong tampi an chim ko bu ah a cozah nih Order a pek cang mi a si caah t’ah bu bak in bandawh in an kir ter hna.
Lawngtlai District chung a si mi Hmawngbuchhuah khua ah Chin ralzam a dor mi hi a tam u hna cu Paletwa Chin ralzam an si i an lak ah hin Rakhine ram mi hna zong an itel pah len tiah an chim.hi konghe pehtlai in Mizoram khuapi a si mi Aizawl khua hram bunh thawnglatu a min langhter lo mi pakhat nih cun Chin ralzam an um nak Hmawngbu- chhuah khua ah cun ka va kal i Chin ralzam pawl hna cawlcangh ning le an tem tuar ning ka va hmuh tik ah ka celh bak lo i, ka mit thli tiang in a tla tiah a chim.
Chin ralzam hna cu um nak inn lo reptak hmanh nei lo in Hmawngbuchhuah khua ah cun bukte(thlamte) in um nak inn an i sawihnawn i Mizoram a cozah nih an um nak hmun in an mah le ram ah kirter dingin Order a chuah thawng an theih bak cun,hngakchia chim lo puitling pipi hna hmanh an ‘tap i,kan ram ah kan nun nak a him rihlo an ti bu bak in Lawngtlai District chung t’uanvo neitu hna le Assam Rifles pawl hna nih ramri tiang an va thlah hna tiah a chim.
Lawngtlai District chung t’uanvo neitu hna le Assam Rifles pawl hna zong nih Chin ralzam hna hi tibantuk in an kirter mi hna cu an mah lila zong a mitthli a tla mi tampi an um ve.asinain Cunglei in a cozah nih Order a pek mi hna an si caah duhthimnak a nei kho an si lo caah mah ti bantuk in an tuah mi hi a si tiah a chim.lung a t’ha hrim lo mu.
Note:A tang teah hin Lawngtlai District chung t’uanvo neitu hna le Assam Rifles pawl hna nih Chin ralzam an thlah lio hna a muicawl video in kan chiah i zoh na duh ah cun a link te khi rak hmeh piak law na zoh khawh lai.
Credit: MWN
https://www.facebook.com/100034003470455/videos/152534345890014/?t=4
