Lushei/Mizo Ram Ah Chin Ralzam A Dormi Zei Maw Zat Hna Cu Chin Ram Ah Kirter Cuahmah Cang Hna

Mizo ram, Lawngtlai District chungah a rak i dormi Chin ralzam pawl hna cu Mizo ram cozah nih an mah le um nak Chin ramkulh chungah zei maw zat cu July 2. 2019 ah khan a kirter cang hna tiah theih a si.hi konghe pehtlai in Chin ralzam Lawngtlai District chungah mi,Mizo cozah nih a kirter t’han mi hna hi Paletwa Chin ralzam pawl hna le Rakhine ram kulh chungin Mizo ram chungah a ra mi hna an si tiah an chim.

Paletwa le Rakhine ram chungah cun kawl cozah ralkap le AA hriam tlai pawl hna i tuk den nak ruangah Paletwa le Rakhine ram mi, minung zei maw zat hna cu an inn lo chuah tak in lam neih nak bik Lawngtlai District chungah Hmawngbuchhuah khua ah ralzam an sinak in khua an va sa i bukte(thlam) ban tuk tete in um nak inn cu an i sak cio i cu ti cun a um mi pawl an si.

 

Cun,Lawngtlai District chungah Hmawngbuchhuah khua ah ralzam an sinak in um hmun a khuar mi pawl hna hi a dih lak ah 219 tluk an si.minung pakhat te hmanh umter lo in Mizo cozah nih nan mah le khua ram,inn lo teah kir dih cang u an ti hna ruangah an dih lak tein an kirter dih hna tiah an chim.an kir nak konghe pehtlai in Lawngtlai khuapi chung um mi Laipa pakhat nih cun hi Chin ralzam pawl hna hi Mizoram cozah lei in t’uanvo neitu hna nih Kawlram le Mizoram, ramri tiang felfai tein an va thlah hna tiah a chim.

Cun, Mizoram chungah a um mi Chin ralzam konghe pehtlai in a luancia june 15. 2019 ah khan Mizo cozah nih Chin ralzam zei maw zat hna cu an mah le ram le inn lo te ah um kirter a rak timh cang hna na in vanruahti a tam tuk ruang ah june 25 ah a thawn piak t’han hna.asinain vanruahti nih um kal nak lam a rawh mi le lam cet tuk ruangah um kal nak a t’ha t’han lo i July 2. 2019 tu ah a kirter hna hi an si tiah an chim.

Ref: Free

Author: Salai Ephraim