Thailand ram chung facebook pages pakhat nih cun bawite a si rih mi hngakchia hna cu Online chungin Bat 15000 bak in an zuar hna ruangah mipi thinlung kekuai in an tuah hna tiah an chim.hi tibantuk in Thailand ram chungah facebook pages in bawhte hngakchia an zuar nak facebook pages hi Club V. 10 pages tiah an ser i Nu nih fa a ngeih mi a fa a duhlo mi pawl kha Bat 15000 in an cawk hna tiah an chim.
Cun, Club V. 10 pages a sertu hna le bawhte hngakchia a cawtu hna cu Thailand cozah nih a theih tik hna ah cun an facebook pages cu an thah i Thailand ram chung in ramleng ah an zam manh.an facebook pages ah Ca an t’ial mi cu Nu nih a fa a duhlo mi paoh cu Nau nan ngeih dih bak in kan mah sin ah zuar khawh an si tiah an an t’ial.cun,Naute a cawm kholo mi hna caah bawmhnak le Ngaktah cawm nak hmun tiah an t’ial fawn.
Asianin mi tampi hna nih an fa le nun nak ruah ah cu ka hmun ah cun an va chiah hna i,micheu hna nih cun an fa le duhlo ruangah bawhte a si mi an fa le hna cu an zuar tik ah Thailand cozah nih a theih hna hi a si.an rian t’uan nak konghe pehtlai in Thailand cozah nih dothlatnak a tuah tik ah an cawk mi hna bawhte hngakchia hna cu miphun dang Fa a ngei kho lo mi hna sin ah an zuar chin tiah an chim.
Club V. 10 pages ngeitu hna nih Thailand ram chungah mah bantuk fihnung thil in chaw an leh chung hi a caan a sau manh lo.mipi nih Club V. 10 pages rian t’uan ning an theih tik ah Online chungin biatak tein an soisel hna i cu hnu lawngah Thailand cozah nih a theih hna hi an si.Club V. 10 pages a neitu Admin pawl hna cu pakhat hmanh tlai kho lo in le an um nak zong thei lo in an zam.asinain Thailand cozah nih dothlatnak an tuah cuahmah tiah an chim.
Source: chindwinpost
