Mah le mah a thatmi,Mah le mah hri in aa awt i a thatmi a si lo ah hriamnam hmang in maw thil pakhat khat hmangin mah le mah nun nak a la mi hna konghe pehtlai in March 11.2019 ah Hakha/Halkha Christian Minister Fellowship nih zulhphung 16 an ser.cu zulhphung an sermi chun16 chungin mah le mah a thatmi hna kongah zulhphung an sermi cu mipi sin ah a duh mi le duh lo mi kongah ruah nak an hal.
Hi konghi t’ha te ruah ah cun Hakha/Halkha Christian Minister Fellowship hna nih mah bantuk zulhphung an ser duh nak cu theih thiam piak khawh an si ko.mi zei hmanh nih mah le mah a thatmi um hlah usih ti khi an duhnak cu a si cem ko rua tiah ka ruah.nang te zei tin na hmuh ve ning?
Hakha/Halkha Christian Minister Fellowship nih hi zulhphung a sermi kongah mipi sin ah ruahnak an hal ning cu mah ti’n a si,”Mi pakhat nih a mah le a mah a thah ah cun Thlan mual kalpi hlan ah ngaihchiatnak a tongmi chungkhar hna caah Pathian bia in hnemhnak le thlacam piaknak ngeih hnu ah Thlan hmun ahcun Thlacamnak lawng tuah” siseh.
Cun cu bantuk in a mah le a mah a thatmi hna cu Khrihfa phung in ruak vuinak tuah piak lo ding ti mi kongah mipi na ruahnak le na pom ning,na hmuh ve ning thimfung rak chim ve tiah ruah nak an hal.hi biahalnak hi a ngaingai tiah cun Khrihfa kan sinak phung he a kalh bak tiah kei nih cun ka hmunh ning a si ve.Ca reltu nang te mah biahalnak hi a t’ha na ti maw a t’ha lo na ti ve dah na ruahnak rak chim ve?
Note: Hakha/Halkha Christian Minister Fellowship nih hi zulhphung an serduhnak cu fiante in a lang ko tiah ka ruah.a mah belte ruah awk len a si mithil cu hi zulhphung an sermi ruangah mah le mah i thah nawn nak cu kham khawh a si lai tiah ka ruat fawn lo.zeicatiah cun mah le mah i thah nak a chuahtertu cu lungrawk nak, khuaruah khawh lo nak, lungfahnak, mah hngallo in thinlung zawtnak le fahnak tampi tuar hnu ah a chuak mi thil a si caah hi zulhphung nih hin a kham kho lai maw?Chin Cable Network Channel
