June 7.2019 zinglei suimilam 2 hrawngah pa pakhat nih Nu pakhat cu tleihhrem a timh ruangah Nu nih cun a lei tam bak in a seh piak.South African ram chungah sizung pakhat chungah rian t’uantu Ngaknu cu an rian t’uanmi konghe pehtlai in rian t’uantu vialte hna cu ruahlo ah lakhruak ton biaruahnak nei ding an si caah cu ton biaruahnak ah cun a kal.
Cun tonbiaruahnak a kal cuahmah lio ah cun sizung ah a um mi minak/midum pa kum 32 pa nih cun ruahlo pi ah tleihhrem a zalh i nu nih cun midum pa a leicu tan bak in a seh piak i,midum pa cu sizung in inn leng lei ah a zaam tik ah palik duty tuahtu hna nih an rak tleih tiah an chim.
Cun hi thil konghe pehtlai in South African Palik Colonel Thandi Mbambo nih cun nu nih a leitan bak in a seh mi pa cu tleih a si hnu ah a rianran nak in doctor sibawi thiam sang mi hna sin ah kalpi a si i plastic surgery operation tuah a si cawlh.asinain mah pa hi palik zohkhenh nak tang ah chiah cuahmah a si rih tiah a chim.
Cun midum pa nih tleihhrem a timh mi nu hi an sizung ah doctor duty a tuah cuahmah mi a si tiah a chim fawn.Free State regional health department biaphuangtu Mr Mondli Mvambi nih a chim ningah cun midum pa nih doctor duty lio mi cu tleihhrem a timh tik ah doctor nih cun a leitan bak in a seh piak hnu ah a zam i a zamnak ah palik nih an rak tleih hi a si tiah a chim ve.
