Mirror Now nih a chim ningah cun a luacia thlathum chungah Maharashtra ram chung minung 610 renglo hna cu harsatnak ruangah le khuasak tinhtuk nak ruangah an mah te bak in minung 610 hna cu an i that tiah a chim.cu hnu ah cun Maharashtra ram chungah a tu hi khuakheng (nilinh)a chuak t’han ciammam i Indian ram chung rili lak ah a lian cem a pahnih nak Maharashtra ram um Godavari rili Nga zei maw zat hna cu tam lak te an thi tiah an chim.
Cun khuakheng a chuah nak hmun hna hi Marathwada, Yavatmal, Nagaon, Aurangabad, Amravati, Nashik ram chung hna an si tiah an chim.Indian ram chungah rili lak ah a pahnih nak tiah an chim mi Godavari rili ti zong hi a reu cuahmah cang i a cozah nih a zuan hnawh zawkzawk lo a si ah cun Ni linh le khua kheng ruangah an ram mipi hna nih an tuar cuahmah rih ding in an um tiah an chim.
Maharashtra nih a ram mipi harsatnak a tuar mi hna caah ti in a central cozah sin ah Rs 300 crore a hal, hi bawmhnak a hal hlan ah hin in relief fund nih Maharashtra cu Rs 2,160 crore a rak pek cang i hi thil an hal mi hi an pek t’han hna cu zumh a si lo tiah an chim.Nagaon khua mipi hna nih cun Godavari rili Nga an thih nak ruang hi khuakheng ruangah a si tiah an chim.
Maharashtra, Jalyukt Shivar Abhiyan cozah hna nih cun hi khukheng in an luat nak dingah biatak tein rian an t’uan ve ko na in zei hmanh san a tlai lo i khuakheng cu a mah ning tein a chuak peng ko rih tiah an chim.cun Chief Minister Devendra Fadnavis nih cun a tu nak hin kan ram chungah khuakheng le thihlonak cu kan ton chin chuahmah lai tiah a chim.
Ref:pic.twitter.com/DNfyVly4jq
