October 15 chun lailing ah Malaysia ram um Tedim (Zomi) ralzam pawl an i vua ciammam t’han hoi i khuaci mui bak an si.a phu phu bak in an i vua hna.a mah belte hi an i vuak nak video a post tu nih Chin ralzam chungin Zomi pawl hna an si tiah a langhter chih ko na in an tang comment nak ah cun Malaysia um Chin ralzam pawl hna an si tiah mi tampi nih an chim. an video zoh tik zongah Chin miphun “Zomi” pawl an si.
An i vuak nak hmun hi “Highway” zalam pi bak ah a si i,motor kal nak zong an t’hat lo caah zalam pi Highway cu an phih dih tiah an chim.hi konghe pehtlai in an mah Malaysia mi hna zong nih Phone hmangin video an lak cio hna ruangah Social media ah post cio a si cio i Chin ralzam tiah tlangan tar ti a si.kan mah Chin miphun an si taktak ah cun hmailei an caah thil t’halo ngaingai a si te lai.
Chin miphun hna kan um nak ram kip ah i vel le vuak lawngte kan rianh mi hi cu a poi taktak hi a si ko.kan mah le kan mah kan lam ka i phit cuahmah cang.Pathian nih kan phutlo le kan tawk lo in thlua a kan chuah kan ti cu cuahmah lio ah.Chin miphun ram thumnak a um mi hna thawngpang zong zei hlei hlah.a bik in ram hnih nak a um mi Chin miphun hna le ramthum nak a um mi Chin miphun ko hi kan zual.
Peng le tlang,khua le ram a t’anh zia zong kan thiam lo.hi thil vialte a chuah nak a hrampi hi zei set dah a si hnga tiah na ruah ve?Ca t’ialtu nih a ruah nak ah cun keh mah ti mi ruah nak le kei mah bia in biatlu seh ti mi (selfish) kan ngeih dih ruangah a si cem ko rua tiah ka ruah.an video hi rak zoh law Zomi maw an si maw?Video Credit: Tia Fatehah
https://www.facebook.com/tia.fatehah.1/videos/2991447494218169/?t=114
