Vawlei cung ram dih lak hna nih minung puitling a cohlan mi cu kan theih bantuk in Nu an si ah Pa an si ah kum 18 a hung tlin bak cun minung puitling ah cohlan an si.asinain Malaysia parliament pawl hna nih cun an ram i thimnak konghe pehtlai in zahan ah an ram mi hna puitling ah a rak cohlan ning cu thlen a timh.asinain hi kongah namneh nak(fehternak) taktak cu an tuah rih lo.
Malaysia parliament nih an ceih ningah cun an ram chungmi,an ram ithimnak konghe pehtlai in vote a thla kho dingmi hna cu kum 18 tang in kum t’humh siseh tiah an duh.a mah belte cu Malaysia parliament pawl hna nih an duh nak hi cohlan an si ah cun Malaysia ram nih zulhphung (phunghram) an neih mi cu zei maw zat thlen, remh, hlawt,chap a hau t’han lai tiah an chim.
Cun, Malaysia parliament nih a duh nak a tlamtlin khawh nak ding caah cun Malaysia ram chungum mi Party vialte hna lungtlin nak lak a hau lai.cu pin ah Malaysia parliament duh nak a tlatmtlin a si ah cun Malaysia ram uk bawi hna ithimnak ah kum 18 a tlin mi paoh cu candidate khawh a si lai tiah an chim fawn.cuhlan ah cun Malaysia ram mi hna nih vote a nei kho mi hna hi kum 21 minung lawng an rak si.
Ram pakhat nih a ram chung ithimnak konghe pehtlai kum 21 in a cunglei mi hna lawng nih vote nei kho dingin zulhphung a nei mi hna hi Malaysia lawng si lo in Singapore ram zong an si ve.asinain Indonesia ram nih cun an ram ithimnak ah vote a neiter mi hna hi kum 17 in a cunglei minung an si ve hoi.Austria ram nih cun kum 16 in a cunglei paoh vote a neih ter ve fawn hna.Malaysia parliament nih a tutan thil tuah an duh mi ah teinak an hmuh a si ah cun Malaysia ram nih a ngeihmi phunghram cu a dang ngai cang lai tiah an chim.
Source: BBC
