Malaysia Ram ah hlei cung in kan Chin miphun pa fa rual pali an zuang i pathum an thi

Malaysia Ram , Kualampur Myo(MRR2) Motpr lam pi cung i a um mi hlei cung ah Chin mi phun U Cholei kum 34 nih a fa le 3 cu hlei cung in a til(nam) hna hnu ah a mah zong a zuang ve i a thi ti ah thawng kan thei.

Mah Hlei cung in a zuang i a thi mi hna hi Chin miphun an si i pa cem hi U Cholei kum 36,a fa nu Vadetisoh kum 8,a fa pa Vabiechose kum 6 an si i cun kum 3 hngakchia bal te cu thi lo in a hliam hma fak ngai in a tu hi Salayan siizung ah an thlawp cuah mah lio a si ti ah thawng kan theih.

Thilsining cu Aug 2 zing lei 5:50 ah U Cholei nih a fa le an kut cun ai hruai hna i hlei cung ah cun ai kai pi hna ti ah a hmu tu hna nih Malaysia Media pakhat ah a chim,pawng kam um mi hna nih an thloh leng ko na in ruah lo pi in pa cem nih a fa le cu MRR2 hlei cung cun a nam hna i a mah zong a zuang i a that ve ti ah theih a si.

Hngakchia hna i pa cem hi a caan caan ah lungthin hman lo in a um tawn mi a si i mah an tlak ni ah cun zaan suimilam 12 in a fa le hi ai chuah pi cang hna ti ah thawng kan theih,mah pa fa rual hna ruak cu a tu hi kualalampuar siizung ah an chiah lio hna a si tui ah thawng kan theih.

Source: Zalen News

Author: Salai Ephraim