Malaysia Ram Chungah Tihnung Zawtnak A Chuak Than Rian Le Ca Cawng Kholo In Minung Tampi An Um

Malaysia ram chung Johor state chungah thliachia (air pollution) ruangah minung tampi hna cu rian t’uan kho lo in le Hngakchia Ca cawng kholo in minung tamtuk an um tiah an chim.hi thilchia a dawp sual mi paoh cu an luak a chuak i an lung a mit,an hmal a hma i lutaw theihlo bak in a tlu ril mi tampi an um tik ah Ca cawn nak Sianginn 400 leng cu khar a si cang tiah an chim.

Cun, hi thlichia (air pollution) cu hngakchia hna ca ko ah t’ihnung a si caah Pasir Gudang khua chung seh rian t’uan nak industrial area velchum ah a um mi Sianginn pawl hna cu an dihlak in zei can dah khar a si lai tiah theih a si rih lo i a tam u Sianginn hna cu tuzarh chung khar dih dingin nawl an chuah tiah an chim.

Hi thil konghe pehtlai in Mlaysia cozah nih cun zei ruangah dah hi thilchia (air pollution) hi a chuah tiah fiang tein an theih khawh rihlo caah dothlatnak an tuah cuahmah lio i,cu ruang set ah a si tiah tehte zei hmanh an hmu kho rihlo tiah an chim.kan hnunglei March thla chungah khan Malaysia mipi hna nih tichungah hnawntam le chemical thilri an hlonh tuk ruangah thlichia (air pollution) a rak chuak cang i minung 4,000 leng bak an rak thi cang.

Cun, mithi hna lak ah a tam deuh cu Ca cawnglio hngakchia hna an si.Johor chief minister Dr Sahruddin Jamal nih cun a tu tan ah ruahlo pi in mah bantuk zawtnak rai a chuah ruangah Ca cawng cuahmah lio mi hngakchia zei maw zat hna cu lakhruak in sizung ah kalpi mi tampi an um.a mah belte cu minung zei zat set dah an si tiah fiang tein theih khawh an si rihlo tiah a chim.

Source: BBC