Myanmar Ambassador Office nih a chim ningah cun Kawl cozah phungning si lo in Kawlram mi Malaysia ram ah a kal mi hna caah Malaysia cozah nih cun phungthar pakhat ser piak dingin timhlamhnak an ngei tiah a chim.Malaysia cozah nih cun Kawlram mi Malaysia ram ah harsatnak a tong mi hna le an mah Kawlram ah kir a duh ko na in kirnak chawva a ngeilo mi hna caah an tlunkal nak ding chawva(an dih ding)mi hna cu man fawi deuh in Back For Goog 6+1 program a tuah piak cuahmah cang hna.
Cun, Malaysia cozah nih Kawlram mi hna caah Back For Goog 6+1 prome a tuah mi chungin Kawlram mi hna cu zei maw zat a tlungmi zong an um cang tiah Ma Aye Aye Mar nih VOA sin ah a chim.Malaysia cozah nih hi tibantuk in thil a tuah mi a sullam cu Kawlram milawng si lo in phungning lo in Malaysia ram ah a rak lut mi ramdangdang mi hna zong Malaysia nih thla 5 chungah an ram chuah tak dih hna seh tiah Home Minister nih a chim.
Malaysia nih Back For Goog 6+1 program ti mi a thok hi August thla thok bak in a thok ve.Malaysia ram chungah phungning lo in a kal i harsat nak a tongmi hna a bawnchantu,Kawlram ambassador aiawh in rian t’uantu Ko Thiha Maung nih cun Malaysia ram chungum Kawlram mi hna cu Malaysia cozah nih a tleih cuahmah hna caah micheu hna cu kawlram lei ah minung tampi an kir cuahmah tiah a chim fawn.
Cun, Malaysia cozah nih a tleih mi hna cu a tlawm bik December thla tiang thonginn ah chiah an si lai.asinain Malaysia cozah nih a chim mi cu kawlram milawng si lo in ramdang mi hna zong tleih i an mah Malaysia thongah chiah peng nak cun an mah le ram cio ah kuat a si lai tiah an chim.zeicatiah Malaysia cozah nih a tleih mi hna hi thonginn chungah an din ei mi le an taksan ngandam nak konghe pehtlai in t’uanvo a lak dih ruangah harsat nak tampi kan tong tiah Malaysia nih a chim.Malaysia cozah nih Back For Goog ti mi phunghram a ser piak mi hna hi August thla in December thla tiang lawng a si lai tiah theih a si.
Credit: Free