Mandalay Peng Chungah A Deu Meithal Le Uniform Ai Hruk Mi Dalaan An Um Caah Ralrin Ding

Taungtha Peng ah meithal deu/lem aa tlaih mi Pyu-saw-htee Htay Hlaing an kahthahMandalay Ramthen, Taungtha Peng ah ralkap uniform aa hruk mi Pyu-saw-htee Htay Hlaing an kahthah, a meithal cu alem/adeu (atuh) a rak si diam.Hi pa hi Dalaan zong a si. SAC ralkap uniform aa hruk fawn i meithal zuun 7 in an kah i A thih hnu ah an vun chekhlat i aa ken mi meithal cu adeu a rak si, tiah Maylat PDF nih an thanh.

Relchap:Sagaing Ramthen ah PDF phu 10 i bawm in SAC ralkap 70 renglo an thah hna.Sagaing Ramthen ah PDF phu 10 an i bawm i October 9 le 10 (ni 2 chung) ah SAC ralkap an kah hna i 70 renglo an thi, tiah UDLA nih an thanh.

Aa fon/bawm mi PDF hna cu; ChaungU-PDF, Monywa-PDF, Myaing-CDSOM le MPDF, Mingyan-27 RF/TPDF, Minmoe, Yesagyo-PDF, Sagaing (SGG) hna an si.Hi kahdohnak hi voi 5 tiang a cang i PDF phu lei in aa hliam mi an um lo. SAC ralkap lei 70 renglo an thi i aa hliam mi an tam, tiah UDLA nih an thanh.

Sagaing Ramthen, Monywa lei ah a rak kai mi SAC ralkap pawl cu PDF-Zinmarbin nih bomb an puahhnawh hna i minung 30 renglo an thi tiah theih a si.Hi hna hi motorcycle 30 tluk, motor hme mi 3, le motor ngan mi 2 tiin Monywa lei ah an rak kai i PDF-Zinmarbin nih bomb an rak puahhnawh hna hi a si, tiah PDFchannel nih a tial.

SAC phu nih riankhinh mi Thekkala khuabawi le Natalin pyu-saw-htee thah. Bago Ramthen, Kawa Peng, Thekkala khua Shwepyiaye Sang khuabawi Aung Min Oo le Natalin ah pyu-saw-htee phu chungtel Ko Phyo cu meithal in an kah hna i an thi.

Credit: KTM

Author: Salai Ephraim