Manny Pacquiao Aa Phomh Rua Lai Kan Timi Cu I Phomh Than Lo Ding Hna In An Chim Than e

Manny Pacquiao le Keith Thurman hna cu nizan ah khan New York khuapi chungah an i tawng i Keith Thurman nih cun a mah he a phomh dingmi Manny Pacquiao cu July ni 20 ah i phomhpi lo dingin i din seh tiah a chim.hi ton biaruahnak an neih nak ah Manny Pacquiao konghe pehtlai in Keith Thurman nih mah bantuk bia a chim mi nih hin thawnglatu tampi cu an ruah nak a deuh ngaingai hna tiah an chim.

 

Asinain thawnglatu dangdang hna nih an chim ningah cun Keith Thurman nih Manny Pacquiao kongah mah bantuk bia a chim mi hi Manny Pacquiao a thong lai lo tiah a chim lo i July 20 khi Manny Pacquiao caah cun a thong a dongh nak ni a si cang tiah pei a chim ko cu tiah an chim ve.cun hi july 20 ah cun Manny Pacquiao nih tenak hmun hmanh sehlaw i thongh a tim ti lo tiah an chim.

 

Cun Keith Thurman nih cun Floyd Mayweather le Manny Pacquiao hna he i thongh hi ka duh cem mi a si,a mah belte Floyd Mayweather cu aa din cang i an mah he i phomh ka duhnak ka au aw cu Manny Pacquiao nih a rak ka cohlan caah a cungah tampi lawmhnak ka nei fawn tiah a chim.

 

Cun july 20 cu Manny Pacquiao caah cun a donghnak a si lai.zeicatiah Manny Pacquiao nih Oscar De La Hoya cungah a tuah mithil bantuk kha a tu ah hin a mah Manny Pacquiao cungah ka tuah ve cang lai.Oscar De La Hoya a dinh thai nak a ruangah Manny Pacquiao nih i thong kho ti lo dingin a rak tuah caah Manny Pacquiao cu kei mah nih Oscar cungah a tuah ning bantuk khan ka tuah ve cang lai tiah a chim.

 

Ref: SPORT NEWS