Manny Pacquiao le Keith Thurman cu a ra lai mi july 20 ah khin an i thawng t’han lai.Manny Pacquiao hi January thla ah khan Adrien Broner he an i phomh i unanimous decision hmang in Manny Pacquiao nih cun teinak a hmuh hnu in mi tampi hna nih Manny Pacquiao cu a thawngti lai lo tiah an rak chim cang na in minthang P4P star Keith Thurman ti mi pa he July 20 ah an i phomh t’han lai tiah an chim.
Cun Manny Pacquiao hi a tu ah kum 40 a si cang i P4P star Keith Thurman belte hi cu Manny Pacquiao nak in kum 10 bak in a hngakchia deu tiah an chim.
Asinain Manny Pacquiao le P4P star Keith Thurman cu mi cak veve an si caah ( WBA super welterweight title ) cu a cuih ding an si t’han.asinain P4P star Keith Thurman nih hin Manny Pacquiao si lo in kum 2015 lio ah a rak tei khawh lo mi Floyd Mayweather tu he i phomh ka duh deuh tiah a chim.
Cun P4P star Keith Thurman nih hin minthang Josesito Lopez cu ceilak in a rak phomh i teinak an rak hmuh ve khawh ruangah American boxer pawl hna nih world champion an pek i a tu bantuk in Manny Pacquiao he aa phomh kho ding dir hmun a phak khawh nak hi a si tiah an chim.
Cun Manny Pacquiao zong hi a kum khua lei in a upa cang i a tu hi a tongh donghnak zong a si ko men,a ho dah a tei te lai hi zoh an dawh taktak te ko lai hih! Inkhel.com
