Vawlei cung WBA Super Welterweight Champion minthang Manny Pacquiao nih sertu Pathian a bochan ning le Bible a rel ning,thla a cam ning a chim mi cu khuaruahhar taktak a si.Manny Pacquiao nih cun hi tibantuk in vawlei cung minthang ah ka ser khawh mi le kei mah nak in a t’hawngmi le a cak mi, thazaang a ngeimi hna ka tei khawh hna nak a sullam cu Bible Ca ka rel ruangah le thla ka cam mi ruangah a si tiah a chim.
Anagingai kan ti ah cun kei hi mi dang Boxer hna bantuk in a t’hawng mi le pumrual tha mi ka si lo pin ah, thiam san nak zong a ngei mi ka si lo.asinain nain midang Boxer pawl hna nak in zei zong ti khotu, sertu Pathian ka ngeih caah.Pathian nih ka phutlo laksawng teinak a ka cohlan ter lengmang mi a si ti ah a chim.cun, training ka tuah zongah siseh,rian dangdang ka t’uan pah zong ah zei tik hmanh ah Bible rel le Innchungkhar thlacamnak tuah hi tloh ka duh bal lo.
Cucaah, sertu Pathian nih ka phut tawk lo laksawng teinaka ka pek mi hi a si.kei miah thil ti khawh nak le t’hawng nak zei hmanh a um loh tiah a chim.cun,hi t’hawn nak le teinak a kan petu hi Pathian asi ruangah sunparnak vialte cu Pathian nih co seh!cun, hi teinak ka hmuh mi hna cu Pathian chaw an si dih. Manny Pacquiao hi kan theih bantuk in teinak a hmuh chawva hna hi miharsa le sifak,bomhchanh haumi hna caah a hlut pengtu a si.
Cun,a mah hrimhrim hi Internation Bible Day Acts rian t’uantu pakhat a si ve.Pathian a bochan mi hna cu Pathian nih teinak a kan pek zung zal lai, cun teinak kan duh ah cu Bible rel hna u sih, Bible hi lamhmuhsaktu le nun chimtu a si caah zei tik hmanh ah Baible rel hi kan rian a si awk a si.Bible rel le Thlacam nak nih teinak le hnangamnak a kan pek tiah forh fialnak bia zong a chim chap.
Source: CBN
