Tedim(Zomi) pawl hna nih cun Chinmi sinak i hrawm an duhlo ruangah an mah tein kan nih cu Chin miphun kan si lo tiah an hruaitu upa le an mifim thiampawl hna nih biatak tein an mino pawl hna an cawn piak cuahmah cang hna.a fawi nak in kan chim ah cun Tedim pawl hna ruangah hin Chin miphun lungrualnak tampi an kan rawh cang.Tedim pawl hna ruangah Chinram thazaang a zor i Chin miphun huap in kan mifim hna le ramkhel hruaitu kan pa le hna rian t’uan an timh paoh ah vawlei cung hmunkip um Chinmi hna um nak ah i laklawh ngai le durdu ngai in rian t’uan a si.an duh ningin rian an t’uan kho loh.
Cun, Mara kan unau hna an cawlcangh ning thenkhat cu tihin a si.Mizoram Saiha Mara le Lai/Chin mara kha i fon in Maraland tikha an buaipi.Lautu peng khua tampi le Hnaring khua hna ah Mizoram Saiha khua in vuanci a rak simi Hi Phei hna rakrat pi in Maraland timi mikhenh in Hall sak ding an rak hal hna i an rak cohlang hna lo tikah tihin an rak ti hna”Lautu peng zeimaw zat hna zong hi Maraland(ram)pei a si ko cu” Mara hunchonak kha buaipi ko loin ramkauh timh in an hraan timh ko mi hi ifunnak unity a hrawh lawng hmanh silo in tihnung ngaimi cawlcangh a si kho tiah an rak ti bal hna.
A Zei a va si hmanh ah Mara kan unau pawl hna nih a tutan ah thanhtar an hun chuah langhter mi hi ruah tik ah Chin miphun a tam deuh thinlung cu an kan tuaiter hringhran ko.an mah le ram ah an mah Ca le holh cu an cawn zongah a poituk mithil cu a si lem lo na in,an itinh mi le an i hmaithlak mi an target cuanh piak hna tik ah Chin miphun vialte t’hanchoter nak in an mah (Maraland) te lawng t’hanchoter a tim mi an lo.mah belte cu a poi taktak mi a si.cu tibantuk thluak le ruahnak an ken a si ah cun Chin miphun a t’henthektu an si kho i,Tedim (Zomi)nak hmanh in t’ih a nung deuh mi an si lai.
Cun,a tu lio Chin miphun hna nih miphun dang hna sin tiangin kan i hmai hngalpi ngai mi hna cu Mara lei in Dr.Sasa le Dr.Ngun Cung Lian hna hi an si.kan Chin miphun huap in Chin miphun hna lak ah mipi nih theih mi le conglomh mi an si.an mah hrimhrim hi Chin miphun t’hancho nak lei ah biatak tein rian a t’uantu an si caah Chin miphun a t’hektu le a rawktu si cu an duh lai tiah ruah awk a har ngaingai.a si nain a tutan an thil tuah mi kongah mah hna pahnih nih zei tin dah an ruah hnga?an mah theihpi nak in hi thil hi an thok mi a si taktak ko hnga maw ti hi a si.
Note: mah le hmuh ning le cuanh ningah mu.
