Matupi Ah Ralhrang Pa Khat Nih An Bawi Bohmu Thih Lak In A Kah Thah

Matupi ah SAC ralkap pakhat nih an bawi Bohmu pakhat meithal a kahthah.Chin Ramkulh Matupi kha-ma-ya 309 ah a um mi SAC ralkap pakhat nih an bawi Deputy Battalion Commander rank a si mi Major (Bohmu) pakhat cu September 16 zaan 12:00 AM hrawng ah meithal in a kah i a thi tiah kan theih.

“Ralkap pakhat nih CDF pawl he i kah le raldoh a duhlonak kong a chim i bia-alnak a chuah hnu ah a kah mi a si,” tiah anmah he aa naihniam mi nih an chim.

A luancia August 29 lio zong ah Matupi kha-la-ya 140 ah Bohmu pakhat nih cenaan (telegraph) in ca an kuat mi hna zulhphung (policy) pawl a relpiak hna lio ah SAC ralkap pakhat nih meithal in a kah i amah le mah zong aa kapthat ve tiah KTM nih a langhter.

Credit: Laica+The Hakha Times

Author: Salai Ephraim