Kawl ram harsatnak ruangah a luacia thlakhat lio ah khan kawlram mi hna a ram inn pa ah i hlawhfa in rian a t’uanmi hna kong ah a cozah le Singapore,Thailand hna cu tonbiaruahnak an rak nei cang nak kong kha kan rak chim bal cang.cu hnu ah a cozah nih a ram mi hna cu an rian t’uan man an thlahlawh felfai tein an hmuh khawh nak hnga a rak chim cang.
Kawl ram mi a ram inn pa ah a kal mi hna konghe pehtlai in Mayawady nih a tarlangh ningah cun May thla 1 in 27 tiangah kawl ram mi Thailand ah i hlawhfa rian a t’uan dingin a kal mi hna cu minung thong 13788 renglo bak an si manh tiah a chim.
Cun mah hna pawl hi Thailand ram ah zei rian dah an va t’uan tiah cun lehtama (Carpenter) innsak rian le seh thilri sersiam a thiam mi hna ko hi an tam tiah an chim.cun tizu ngacel zalh a thiam mi hna,Thailand ram ah ngaikuang le Nga lian mi tlai dingah a kal mi hna an si tiah an chim.
Cun mah hna pawl nih hin Thailand phaisa in nikhat ah 315 hrawng hlawh an lak.a tu lio kawl ram phaisa thleret in kan chim ah a si ah cun nikhat ah kawl ram phaisa in thong 15 in 16 karlak an hlawh kho ti nak a si.
Mah hna pawl hi kawl ram Myawady meesouk lei in Thailand ram chungah a lutmi hna an si.mi t’ha tampi lak ah Nu zei maw hna cu hlawhhlang rian a t’uanmi hna zong tampi an rak um ve.asinain a tam u hna cu hlawhtlin nak an hmu deuh tiah an chim.Mayawady
