Kum saupi hmun kip ram kip ah ritnaksi (Drugs)zuar in a chawk vak mi le mino tampi nun nak a rawktu Mexican ram mi Drugs pathian tiah an khawh mi pa Joaquin El Chapo cu New York, Federal Judge biaceihtu Brian Cogan nih cun a nun chung vialte thonginn chungah khua caan rel dingin biachahnak a tuah piak cang tiah an chim.
Pu Joaquin El Chapo cu kum 62 a si cang i biachahnak an tuah piak ningah cun a tu in kum 30 tiang thong thlak ding a si.Joaquin El Chapo hi an tleih nak cu a sau cang na in chawva tampi a ngeih ruangah a mah konghe pehtlai in biachah nak taktak an rak tuah piak kho loh.cun,Joaquin El Chapo hi Mexican ram chung a mah pumpak um nak inn ah an rak tleih i thonginn ah chiah a rak si.asinain thonginn hngaktu hna cu chawva in a cheh hnawh hna caah thonginn cun a zam kho t’han.
Cu hnu ah kum 2016 ah khan an rak tleih t’han.Mexican cozah nih cun Joaquin El Chapo konghe pehtlai in biachahnak tuah lo in American ram chungah 2017 ah khan Joaquin El Chapo biachahnak tuah piak dingin a kuat t’han.asinain American nih biachah nak taktak a tuah duh cawlh lo.caan sau nawn a rauh hnu lawngah New York, Federal Judge biaceihtu Brian Cogan nih kum 30 thongtla ding in biachahnak a tuah piak hi a si tiah an chim.
Cun,Joaquin El Chapo nih hin a tu ah $12.6 billion a neih mi zong New York, Federal Judge biaceihtu Brian Cogan nih cun hmang kho lo ding bak in chiah piak dingin biachahnak a tuah piak pin ah Joaquin El Chapo he a pehtlei mi midang hna zong dothlatnak tuah i tleih dih an si lai tiah an chim.
Source: BBC