Middle East ram a buaitertu hi American cozah an si

Palestinian Foreign Minister Riyad al-Malki nih cun Nichuahlei Jerusalem hmun kongah US nih zei hmanh a tuah khawh mi le nawl a ngeihnak a um lo.US ruangah Middle East ram chung ah remdaihnak a um kho ti lo hi thil a chuah nak a hrampi cu US cozah ruang a si tiah a chim.cun a tu hnu cun US nih Jerusalem le Israel ram karlak ah zei bantuk biachahnak hmanh tuah seh law kan zulh piak awk a si lo tiah a chim.

 

Cun Arabic newspaper Ca t’ialtu Asharq Al-Awsat nih a chim ningah cun Palestine cozah nih a tu hnu in cun US duhnak hi pakhat hmanh zul a tim ti lo mi am lo i cu hlan ah Washington Palestine cozah a rak ton tawn mi hna zong Palestine cozah nih chawnh biak a tim ti hna lo tiah a chim.

 

Cun Palestine cozah nih Nichuak lei Jerusalem khuapi cu kan mah ram a si tiah biatak tein humhim am i tim US nih zeibantuk biachahnak hmanh tuah sehlaw cohlan an i tim ti lo tiah a chim fawn.cun Palestine cozah nih hi thil tuah a timh mi kongah Arab ram chung zei maw zat hna nih cun dirpi an timh cang tiah an chim.

 

Cun zahan i UN Security Council meeting an tuah nak ah Palestinian Foreign Minister Riyad al-Malki nih cun US nih Palestine le Israel karlak ah remdaihnak ser a timh mi hi thil kal ning a si loh!Palestine cozah cu Israel cozah sin ah va kun i surrender uh ti he a khat caah hi thil hi kan co hlang kho lo tiah fiang taktak in a chim.a si na in hi thil kongah US cozah nih leh nak bia zei hman a chim rih lo tiah an chim.

Source: CNN

Author: Salai Ephraim