Mideh Hlen A Hmangtu Puaisa Lal Ram Lian Le Biak Rem Sung Te Nupa Caah Vawlei A Pit Cang Lai

Ramleng rian t’uan nak license tel lo in Chin miphun hna a dehhlentu Lal Ram Lian le Biak Rem Sung te Nupa hna nih cun ningcang lo in Chin miphun China ram ah a kal dingmi hna sin ah chawva tampi an hlen hna ruangah Falam khuapi palik zungah taza an cuai cuahmah hna tiah theih a si.mah hna Nupa nih hin Chin miphun tampi Laitlang in China ram ah kal a duh mi hna cu ningcang lo in an hlen hna i an phaisa tam lak te an deh hlen hna tiah theih a si.

Puaisa rian a t’uan ter i mi hlengtu Lal Ram Lian le Biak Rem Sung hna hi Kalay khuapi Myohla khua chungah a um mi hna an si.mah hna pahnih hna nih hin mi an dehhlen ningah cun Falam peng Thlanrawn khua ah an kal i China ram ah kal a duh mi hna cu kan mah nih China ram ah rian t’uan dingin kan in t’hit hruai khawh hna lai.asinain China ram tiang um kal nak ding caah minung pakhat ah kawlram phaisa in 150000 nan dih lai.a mah belte cu phaiasa nan dih mi hna cu China ram nan phak tik ah thlakhat ah China phaisa Y 4000 nan hmuh peng khawh lai tiah an hlen hna.

 

Cu ti bantuk in mi an dehhlen khawh ruangah Falam peng Thlanrawn khua ah a um mi Ngun Nei Thang,Falam khuapi Tlanglo veng ah a um mi Thian Nei Bawi le Hlawn No Zam hna cu an phaisa 150000 tiangin an hlen hna pin ah China ram nan phak in ni 7 chung cu China ram mi hna nih an in cawm hna lai ti in China ram ah cun an kalpi hna tiah an chim.

Cun,an kalpi mi hna nih China ram an phak tik ah Lal Ram Lian le Biak Rem Sung hna nih an rak chim ning bantuk in zei hmanh a si lo tik ah an rian t’uan man hna cu(thlahlawh) felfai tein an hmu kho ti lo i,Kawlram lei ah an rak kir t’han i an puaisa te Nupa Lal Ram Lian le Biak Rem Sung hna cu ramleng rian t’uan nak license konghe pehtlai in pohmah 26nak hmangin case an tuah piak hna tiah Falam palim lieutenant Ngui Soe nih a chim.

 

Note: Falam holh in an t’ial mi Halkha holh in vun leh t’han mi a si.

Credit: buannelnews

Author: Salai Ephraim