Min Aung Hlaing Cozah Theihter Lo Bak In A Pa China Nih Kawlram Chungah A Ramri A Kulh Diam Ko

Tuluk ram nih Kawlram lei thawngtheihter lo in Kanpaithti ramri ah (pee-20)sang ramri hau an kulh Kachin ramkulh, Waimaw peng, Kanpaithti (ကန္ပိုက္တီ) peng Kawlram-Tuluk ramri ah Tuluk ram nih Kawlram lei thawngtheihter nak um lo in (pee-20) hrawng a sang mi ramri an kulh tiah khuami pakhat sin in theih a si.


Atu ramri an kulh mi hi (pee-20) a sang,Kawlram lei vawlei zong Tuluk ram vawlei chung ah a tel,tlanglei hmun zong anmah ramri lei ah an chiah, thil sining ahcun Kawlram lei hmun a si,atu ahcun anmah lei ah an telh cang” tiah khuami pakhat nih a chim.Tuluk ram lei nih ramri an kulh nak kong ah ramri vengtu raljap chung in pengkulh uktu sin ah theihter a si caah a hmunhma ah va kal in checkhlatnak a tuah le ramri kulh mi cu a hmuh ko tiah khuachung mi pakhat nih a chim.

Tuan ah khan pengkulh uktu nih zohfelnak a ngeih, minung kal khawh nak hmun poh an kulh dih,tlakrawh tung a cheu le thir tha te tuah mi tung in tha tuk in ramri cu an kulh kha ka hmuh,a sang taktak ” tiah khuami pakhat nih a chim.


Kawlram chungah Covid third wave a karh tuk caah Tuluk ram lei ah phungning lo lut mi an um lo nak ding le, Covid-19 zawtnak a hlankaanh in i runvennak ding caah ramri hmahthah nak (no.3) in (no.4)lei cu (pee-500) tluk a sau i, a san hi (pee-20)hrawng a si mi thir hriling telh in tuah mi hauka cu July 23 ah thok in an tuah tiah theih a si.Kanpaithti (ကန္ပိုက္တီ) peng uktu lei in ramri kham nak kong he pehtlai in,kulh mi hrawhpiak than ding in duh lonak an tuah lai tiah peng uktu phu sin in theih a si.

Source: Ayeyarwaddy