Min Aung Hlaing le a ralhrang nih hramhram in uknak an lak mi kan duhlonak langhternak

Dohthlennak Kumkhat Tlin Ni (February Nikhat, 2022) Caah Mipi Sin Thawngthanh.Min Aung Hlaing le a ralhrang nih hramhram in uknak an lak mi kan duhlonak langhternak le dohthlennak kan tuah cu thaizing ( February 1st, 2022 ) ah kumkhat a tling lai. Cu ni February Nikhat, 2022 ah Hakha peng chung ah kahdohnak fak a um khawh caah Hakha peng le Hakha Khuachung um mizapi nih umkal, khualtlawn le lenkai nan i ralrinnak lai thawng kan in thanh hna. A herh mi tirawl, si-ai le pumpak duhherh zong timhcia tein nan i chiahnak lai upatnak he mipi sin ah CDF-Hakha nih thawng kan in thanh hna.

Ralhrang Pension Le Ralhrang Chungkhar Nih Ralhrang Cohlannak Lam An Zawh Rakhine ramkulh, Sittwe khua ah nihin January 31, zingka 9:00am hrawng ah ralhrang in pension a la cang mi hna le ralhrang chungkhar hna i fonh in ralhrang cohlannak lam an zawh. Cu ralhrang cohlannak lam a zawh mi cu minung 500-1000 kar an si i Sittwe khua, Vanlawng tual in lamzawhnak an thawk i Waybali(ဝေဘာလီ) tiang, May-Yuh lam hrawn in lam an zawh, tiah theih a si.

Ralhrang cohlannak lamzawhnak ah aa tel mi Sittwe khua, Aungmingalar sang ah a um mi U Khin Hlaing nih, “Nizan ah kan sang chung ah loud speaker in thaizing lamzawh a si lai, tiah thawng an kan thanh i lam kan zawh.Kanmah ralkap in pension a la cang mi pawl le ralhrang chungkhar mi cheukhat zong lamzawh ah an i tel,” tiah a chim. Tu bantuk in ralhrang cohlannak lamzawhnak ah NUG le PDF kan herh hna lo, tiah lamzawh mi nih lam thluan ah an au, tiah theih a si.

 

Credit: The Chin Post

Author: Salai Ephraim