Min Aung Hlaing Nih A Kut Tang Minung Tamlak Te KNU Kapdoh Dingah A Thlah Than Hna

KNU Kuttang, Brigades Doh Dingin Yangon In Ralhrang An Thlah Hna.KNU kuttang um brigades hna ralhrang pawl tuk ding in le KNU kuttang ralkap hna tuk ding in Yangon khua um mi ralhrang tlwmpal an chiah ta hna i, a dang cu Karen ramkulh le Mon ramkulh ah an thlah hna tiah kan theih.

Ralhrang sakhan veng tu an chiah mi hna telh lo in a dang paoh cu Mon ramkulh, ThaThone, KyaitThu, BeLyn khua le Karen ramkulh, BaaAan pawng kam hna ah an thlah hna tiah Bogyi nupi pakhat nih a chim.Yangon ramthen chung ah ke lei ralkap, engineer ralkap, pehtlainak lei ralkap,thilri lei bawmchantu ralkap tiin battalion tampi an um hna.

Ralhrang an thlah mi tam deuh cu ke lei ralkap le ke lei special ralkap deuh an si tiah kan theih. ” Bago le Mon ramkulh kar Sittaung hlei in Mon ramkulh lei ah hriamnam tling he Faw mawtaw 20 an rat ka hmuh” tiah Bago khua mi pakhat nih a chim.

Karen ramkulh, Phapon khua chung ah KNU an um nak ah ralhrang he kah doh nak a tam chin lengmang i ralhrang lei in a thi mi an tam ngai cang.

Credit: MPA