Min Aung Hlaing Nih A Kut Tang Ralhrang Pawl Cu Hriamnam Tihnung Tank Le Raltuknak Vanlawng Hman Ding Nawlpek

Ralhrangbu hruaitu Min Aung Hlaing nih a kut tang pawl hna cu zalong tein raltuk nak hriamnam t’ihnung hna, vanlawng raltuk nak le,Tank, Miakpi thil dangdang hna cu nan hman cang lai tiah nawl a pek hna tiah theih a si.cun, hi raltuk nak hi thaizing kip tuh October 14 ni thok in hi ral doh nak cu thok a si lai tiah a chim.Cun, hi raltuknak hi a bik in Sagain peng kulh chung i thlang lei vialte hna le Kachin rak kulh chung i KIA cawlcangh nak hmun vialte hna cu fakpi in kahdoh an si lai.Kachin ram um ralhrangbu hna nih cun raltuknak vanlawng 7 le tank zei maw zat an neih cia i Russia nih a sermi raltuk nak vanlawng pa hnih 2 chap t’han dingah nawl a pek hna tiah theih a si.Credit: SHA

Relchap: Falam khua ah SAC ralkap motor 21 le raltuknak motor 1 an luut.October 12 zaanlei 2:50 hrawng ah Lumbang a riak mi SAC ralkap pawl motor 21 le raltuknak motor 1 tiin Falam an phan i Vankau tlang ralkap sakhaan ah an kai tiah theih a si.

Zahan Lumbang ah a riak mi SAC ralkap Rih lei ah kal dawh si, tiah chim.Kalay in a rak kai i October 11 zaan Lumbang khua ah a riak mi SAC ralkap pawl cu Falam le Lungpi kar Rih lam lei ah kal dawh an si, tiah khuami sin in kan theih.“Falam an phanh hi chun 11:00AM – 12:00 PM hrawng ah a si. An chim cionak ah Falam lonhkate Lungpi khua phanh hlan Rih lam lei ah an kal, tiin an chim cio.

Asinain, adikfel cun kan hngal kho rih lo,” tiah Falam khuami pakhat nih The Hakha Times ah a chim.Hi hna pawl hi Lumbang khuami thilri le eidin ding pawl an firpiak hna i zinglei 8:00 hrawng in Falam lei ah an kai i atu hi Hakha lei ah maw an lanh asiloah Rih lei ah dah an kal a fiang rih lo.

Credit: Laica+The Hakha Times

Author: Salai Ephraim