Min Aung Hlaing Nih CDM A Tuah Mi Vialte Nan Rian Ah Rak Kir Law Na Sual Nak Kan Thianter Dih Lai

Ralhrangbu Min Aung Hlaing cozah nih hramhram in uk nak a lak hnu in ralkap rian chia ta in a zam mi vialte hna caah thawngpang thar a vun chim t’han.kawl ralkap rian chia ta in nunnak humhim nak caah a zam mi ralkap vialte hna le cozah rian t’uanmi cheukhat hna nih an rian chia ta in CDM a lut mi vialte hna cu an rian t’uan t’han dingin rak kir an duh a si ah cun a sualnak chin chiah a sinak recordbu chungin an min hnawh piak dih an si lai tiah a thanh.


Asinain CDM a tuah i CDM dirhmun in hriamnam he kawl ralkap cozah a kapdoh tu hna cu ngiahthiam an si lai lo i an mah thah hrimhrim nak dingah biatak tein rian kan t’uan lai tiah a chim fawn.hi kongah Yangon region, police department nih cun vuant’han rian t’uan mi le ralkap zam mi hna cu lunglawm tein kan don hna caah kir an duh a si ah cun an case in kan thianter hna lai tiah an mah ralkap pehtlaihnak ding police phone number le email tiang in langhter dih a si tiah BBC nih cun a chim.

Kayin state police department nih cun kawl ralkap zam mi le CDM a lut cang mi hna an rian pehzulh dingin kir a duh mi hna kongah BBC nih a chim mi hi official tein theihternak zei hmanh kan hmuh lo tiah a chim ve!cucaah kawl ralkap cozah doh kalh in khengbel a tum mi duh lo nak a langhtertu hna cu (counter terrorism law) hmangin thonginn ah kan chiah cuahmah hna lai tiah a chim fawn.

Cun mipi nih CRPH, NUG le PDF thang t’hat nak lei in logo le social media ah a phozar mi vialte hna zong (counter terrorism law) hmangin dantat an si lai pin ah thonginn ah chiah an si lai tiah a chim.a tu tiangah kawl ralkap a zam mi hna a kir t’han mi hna hi kawlram pumpi huap in minung 10 hrawng an si cang tiah BBC nih a tar langh.