Min Aung Hlaing Nih Chinram Ralhrang Minung Zathum Chap Than A Timh

NUG nih D-Day a thanh ni thok in tuzan tiang ah Kawlram chung state kip ah kahdohnak thawngpang lawng te theih a si.Kawlram tualchung rak cu a tho taktak ko cang.a bik in a tu hi Kawlram pumpi chungah kahdohnak a fah nak cem state hna cu Chinram kulh chung le Sakiang ram kulh chung a si.

Chinram kulh le Sakiang ram kulh chungah cun a tu hi Min Aung Hlaing nih a cozah ralkap pawl hna cu minung 300 in hmun hnih ah a t’hen hna i Chin ram le Sakiang ram kulh chungah chap t’han dingin thawngthanhnak a tuah tiah theih a si.Min Aung Hlaing nih thlah a timh mi hna hi ralhrang bu chung in Paku ralhrang le Mone palek pin ah PK zong an itel tiah  zalen media nih a tarlangh.

 

Relchap: Kan Ralkap CNA/ CDF nih i ralrin ding mi thil biapi pakhat.Ral kan tuk tikah raltuk a dih hlan bak ah raltuk lio live thlah le facebook cung hmanthlak tar kan hman. A tak cun ral a tu cuahmah mi sihtan (hmaikal) ralkap hrimhrim nih ralkap tlaihmi i chawnhnak Walkie- talki phone dah lo cu simcard le internet data ummi phone i tlaih lo ah a tha bik.

Cucu kan him nak a si lai tiah ka ruah. KIA ralkap pawl an dirhmun pakhat te i cawn awk ka duh ngai mi cu ral an tuk tik ah an hmaikal ralkap pawl khi live thlah chim lo phone hmanh i put ter an duh hna lo. Mah belte an lak ah ral an i tuknak record a rak latu cu an um ve i mah pawl tu nih cun heh tiah record tha tein an tuah i ral an tuk dih hnu ah hmanthlak he tling tein mipi sin zamhnak an tuah tawn.

Nai hrawng KIA raltuk lio live thlah hmang pawl khi KIA taktak an si lo.Hi kong hi biatak deuh in kan ralkap nih ruah ah a tha. Caan saupi ral kan tu kho men. Kan Phone ah data / internet hna a um hrimhrim i kan on ah cun kan umnak khi Ralhrang pawl nih fawi tuk in an theih khawh mi a si caah phone facebook le internet kong hi kan i ralring ah a tha.

A herh cun raltuk lio record a latu ser i anmah nih tha tein la ve hna seh. Raltuk a dih puai a dih cang ti hnu ah mipi sin thanh ding si ko.Raktuk lio live thlah le thawngzamh hi Kanmah le kanmah Dalan kan tuan bantuk si.Mipi lei zong i ralrin ding si ve.Ralrin nak ca le siaherhnak he.

By Tluang Ceu Thang