Min Aung Hlaing Nih Katei Hriamtlaibu Cu A Mah Lei Ttang Dingah A Sawm Khawh Hna

Ralhrang phu hna he hmunkhat ah a fonhmi Katei hriamtlai hna cu Tamu-TSG nih ralrinnak an pek hna.Myanmar ram chung Democracy ngahnak ding ah zuam cuahmah a si lio ah, hramhram nawlngeihnak la tu ralhrang phu sinah a fonhmi Katei hriamtlai hna cu Tamu-TSG nih ralrinnak an pek hna.

Katei (UG) hna cu Democracy ngah cang mi India ram Manipur ramkulh ah zalong ten thu dir lo in, Myanmar ram Sagaing ramthen Tamu ah an um leng ah ralhrang phu hna he hmunkhat ah a dirti tiah TSG nih a langhter.

An thiltuah mi a rannak in ngol ding ah ralrin pek hi an si, an ngol lo a si ahcun Myanmar ram chung Democracy ngah nak ding ah a duhlo mi miphun an si tiah an techin fapar tiah ruah an si lai tiah cathanh an chuah.

Dohthlennak ah teinak hmuh deng a si cang caah Democracy ngahmak ding ah khul a nuarh ter tu Katei (UG) hna cu Myanmar ram chung ah dornak nawl pek an si ti lai lo tiah an langhter chih.Katei(UG) hna nih anmah he a pehtlai lo mi, Myanmar ram caah democracy a duh lo tu ralhrang phu hna bawmhchanhnak tuah mi kong ah ngol ding in ralrin nak cathanh ah an langhter.

Credit: The Chin Post

Author: Salai Ephraim