Min Aung Hlaing Nih Kawlram Mi Raldang Um Vialte Miphun Dang Le Ramdang Ah Nan Temtuar Tuk Rak Kir Law

Ralhrangbawizik Min Aung Hlaing nih cun Kawlram mi ramdang ah khua a sa mi vialte nan um nak hmun cio in kawlram ah rak kir ulaw,nan caah um nak hmunhma timhcia a si.nan caah harsat nak zei hmanh a um lai lo tiah ram dangah khua a sa cuahmah mi kawlram mi hna kawh auh nak bia a chim.

Kawlram tualchung buainak konghe pehtlai in nizan ah Nay Pyi Taw khuapi chungah ralhrangbu pawl ton biaruahnak an nei i cu ton biaruahnak an neih nak ah cun Kawlram mi ramdang ah khua a sa mi vialte nan um nak cio in rak kir ulaw, nan herh bau mi vialte hna cu tawlrel nan si lai i him tein chiah nan si lai tiah a chim.

Cun kan nih kawl ralkap cozah cu rampi pakhat nih a neih mi cozah puitling kan si bantuk in ram le miphun t’hanchonak caah rian t’uantu kan si.hi ralkap cozah cu kei mah pumpak humhak nak in tawlrel mi cozah a si caah a tu bantuk kei mah pumpak in ramdang ah khuasa kawlram mi hna cu rak kir ding le ka cozah thladem tangah i dor ding in kan sawm hna tiah a chim.

Kawlram mi le sa a si mi, mi ram dang ah khuasa cuahmah mi vialte hna, nan tem tuar nak le harsat nak a phunphun in nan tuar mi vialte hna cu kei mah cozah nih kan in theihpi hna i kan in tuarpi hna caah kan mah cozah kut tang teah harsatnak um lo tein rak i dor dingah kan sawm hna tiah Min Aung Hlaing nih a chim.