Min Aung Hlaing Nih US Ram Ah Mi That Dingin A Thlah Mi Hna Minung Pahnih Tlaih An Si Cang

NUG Cozah UN-Myanmar Palai U Kyaw Moe Tun thah ding aa zuam mi Myanmar rammi minung 2, Phyo Hein Htut le Ye Hein Zaw hna cu American Cozah tuanvo ngeitu nih an tlaih hna tiah Ramchung Ramleng Media hna nih an langhter.

An tlaih mi hna minung 2 hi New York khua ah a um mi an si i U Kyaw Moe Tun thah ding an i timhtuah hnu ah Phyo Hein Htut nih Thailand ram hriamnaam a thlithup zuartu an chimhchawnh tiah theih a si.

Ye Hein Zaw nih Phyo Hein Htut cu rianthoknak ah tiin USD 4000 a kuat chung i misual pawl hlang in USD 1000 pek ding in an i tiam tiah American News hna nih an langhter.


Cun, Ye Hein Zaw nih Thailand ram in a thlithup hriamnaam zuartu nih a hal hna bang minung pahnih US rat nakding vanlawng ticket zong a booking piak hna.Lainawn aa tim mi minung pahnih hna cu New York Peng White Plains khua biaceih zung ah kum 5 chung thongthlak khawh mi pohma in taza an cuai hna.

Credit: The Hakha Times