Mindat Khuapi Ah A Rak Um Cangmi Ralhrangbu An Kirter Dih Hna I Mithar Tamlak Te An Chiah Than

Mindat khua ah ralhrang rallokap phu umhmun an i thleng.Tuzing Mindat ah oxygen a rak phor mi ralhrang rallokap phu le tuan deuh i a rak um cang mi ralhrang rallokap hna minung an i thleng.A kir mi ralhrang rallokap phu hna cu Pakokko peng Ungtaw(အုန်းတော) hlei an lonh cang tiah theih a si.


Kani Ramri Chin-Dwin-Tiva I Kahnak Ah Ralhrang Hliammi An Tam Sagaing ramthen,Kani peng Chin-Dwin tiva pawngah ralhrang rallokap le mipi vengtu ralkap cu tuzing zingka te le nizaan ah i kahnak a chuak tiah khuami hna sinin theih a si.Nizaan July 23 zaanlei suimilam 2:30Pm hrawngah Kani khua chakdeuh Chin-Dwin tiva pawng ah thazaang 50 hrawng ralhrang rallokap hmaikal tilawng le mipi vengtu ralkap i kahnak a chuak tiah PDF chungtel pakhat nih a chim.

“Hmaikal tilawng cu kan kah,mah chungah minung 50 hrawng an um,40 hrawng cu hliam an si,lamhlat zohnak in kan zoh i hliammi cu kan hmuh hna,zaan zongah Kani sii-inn ah thlop an si,mawtaw pahnih in an thir hna ti zong thawng kan theih tiah”PDF chungtel pakhat nih a chim.Nizaan i kahnak ah Chin-Dwin tiva ah ralhrang tilawng 9 an um,mah tilawng hna cu hliamngan in voi 30 hrawng kah an si tiah theih a si.

Ralhrang rallokap hna nih hriamngan in an kah hna nak ah PDF chungtel hliammi an um lo nain khuate inn cheukhat a rawkmi a um nu pakhat hliam a tuar,satil hna zong an thi tiah khuami nih an chim.Chin-Dwin tiva in kir in khuate ah hnahnawhnak an ser,thilri an fir i ralhrang rallokap le mipi vengtu ralkap PDF cu tuzing zinglei suimilam 9 hrawngah Kani khua tanglei ah i kahnak a chuak tiah theih a si.“Tuzing ah i kahnak a chuak than,Kani khuatawi lei ah,kanmah he,anmah lei in hliammi zat fiangin theih a si lo tiah”PDF chungtel pakhat nih a chim.Tuzing i kahnak ah ralhrang rallokap hna nih khuachung lei ah hriamngan in an kah i,inn cheukhat an rawk i,kum 60 leng a simi pa pakhat kuan nih a hliam tiah khuami nih an chim tiah Than Lwin Khet News nih a langhter.

Credit:The Chin Post