Mindat Khuapi Chung Mipi Ralhrang Nih An Kah Hna I Inn Khat A Kangh Dih

Nizaan Mindat ah Inn Pakhat a Kaang.Minung pakhat a nunnak a liam i, a dang pakhat hliamhma a pu.
Nizaan sml. 11:00 hrawng ah Mindat khua ah meithal puah thawng le bomb puah thawng a than hnu ah inn a kaangmi a lang in an hmuh i inn 4 a kaang tiah an ruah.


Mindat zatlang bu riantuantu pakhat nih, “Nizaan ah inn 4 a kaang tiah kan ruah. Asinain, nihin zing ah inn pakhat lawng a kanghmi kan hmuh,” tiah a chim.

Zaanmui lak ah SAC ralhrang nih a cawlcaangmi paoh meithal in an kah caah innkangh lio ah mi an chuak ngam lo i thil sining fiang in an thei kho lo. Nizaan ah mithi zong an um tiah Mindat khuachung ah bia a leng nain cu zong cu fehter khawh a si rih lo.

Credit: The Chin Journal