Mindat Khuapi Cu Ralhrang Nih Hmunthum Bak In Kahdohnak An Peh Zulh Cuahmah

Mindat cu rallokap nih ralhmai hmunthum in an kalhnawh hna caah kahnak cu a fak chin lengmang i August 15 le August 16 zinglei ah kahdohnak pehzulh in um tiah CDF Mindat tuanvo ngeitu pakhat nih a chim.Ralhrang phu cu Mindat – Matupi meng 14 ah ralphu pakhat, Mindat chaklei SinhHmui khua le Mwe Twe khua ah ralphu pakhat veve then in a zapi ralhmai pathum in CDF Mindat cu an doh hna.

Rallokap thazaang 250 leng hmang in hriamngan in voi tamtuk an kan kah tiah CDF Mindat tuanvo ngei tu nih a chim.August 15 i kahnak ahhin rallokap minung 20 hrawng an thi i CDF Mindat lei in a nunnak liam mi an um lo tiah a chim.Mindat ah April thla thok in kahdohnak pehzulh in a um i June 23 ah rallokap le CDF Mindat hna cu mipi zawnruahnak he kahdeihnak an tuah.

August 12 thok in rallokap nih an rak kahthan hna i rallokap thazaang tam ngai in CDF Mindat cu tei khawh an i zuam tiah Mindat CDF tuanvo ngei tu nih a chim.Mindat khuami mipi hna cu kahdohnak ruang ah harnak tampi an tong ko nain a thatnak bik ah doh khawh nak ding ah kan i zuam ko tiah CDF Mindat tuanvo ngeitu nih a chim.

April thawk in Mindat ah i kahnak ruangah rallokap minung 200 leng an thi i CDF Mindat in minung 30 leng an nunnak a liam.

Source: DVBnews