Mindat Khuapi Sianghleirun University Sianginn Hmunkhuar Ralhrang Lak Ah Fir Kawl Chuak Mi Pa Cu Bomb Aa Lam Caah A Kee Bul Lak A Puah Hnawh

Chin ramkulh Mindat khuapi in meng 5 hlatnak University sianginn ah umhmun a khuarmi hna SAC ralhrang pakhat nih Bomb aa lamhsual caah a ke khat a bul tiah theih a si.January 6, nihin chun ahkhan Mindat khuapi in meng 5 hlatnak hmun (University) le meng 6 a hlatnak hmun hna ah SAC ralhrang 70 tluk nih hriamnam tling he hmunhma lak ah an kal tiah Zalen nih a langhter.

Sagaing Ah PDF Pakhat Le Phungki Pakhat Telh In Minung 4 Ralhrang Nih An Thah Hna!Sagaing ramtthen Sagaing peng Tabayin-Gway (ဒီပဲယင်းကွဲ) khua cu ralhrang nih January 6, nihin zing suimilam 6:00 tluk ah an luhhnawh hna i tualchungmi minung 4 an thah hna tiah theih a si.

“SAC le pyusawhti ralhrang fonh nih khua an luhhnawh i nu pakhat le pa pakhat an thah hna hnu ah ramkel leikong zong aa tello mi kum 40 renglo phungki pa khat le PDF minung pakhat (an dihlak minung 4) an thah hna. Inn tamtuk mei an khangh chap” tiah tualchungmi sin in theih a si.

Credit: Lungmili Post

Author: Salai Ephraim