Vawlei cung Hlasak thiam minthang Jennifer Lopez cu Israel ram chungah a voi 1nak concert tuah a timh le cangka tein Palestine ram mipi hna le Palestin ram a dirkamhtu mipi vialte hna nih Israel cozah sin ah hi tibantuk in Jennifer Lopez nih na ram chungah concert tuah a timh mithil hi ningcang lo thil a si caah kan nih Palestin ram mi hna le a hawi t’ha a si mi,mipi hna nih cun kan duhlo tiah an chimh.
Asinain Israel nih cun Palestin ram mipi hna aw-ka cu zei ah a rel piak hna lo i,Jennifer Lopez cu lunglom tein a cohlan pin ah Jennifer Lopez caah security “ralvengtu” tampi a ser piak i,sunglawi taktak in Jennifer Lopez nih cun concert cu a tuah khawh tiah an chim.cun, Jennifer Lopez nih Israel ram chungah concert a tuah mi hi a voi khat nak concert a tuah lawng a si rih.hi concert a tuah nak ah hin mipi 57,000 renglo bak an chuak tiah an chim fawn.
Cun, Boycott, Divestment and Sanctions movement pawl hna nih cun Jennifer Lopez nih Israel ram chungah concert a tuah mi hi Israel ram kan dirpi ko ti a langhter duh mi a si.cucaah Jennifer Lopez nih Israel ram chung hrimhrim ah mah bantuk concert a tuah awk a si ti lai lo tiah a chim. Boycott, Divestment and Sanctions movement pawl hna ruang ah hin vawlei cung minthang Beyonce, Lorde le Lana Del Rey hna nih Israel ram chungah concert tuah an rak i timh mi hna cu tuah ngamlo in an rak um bal cang.
Asinain Jennifer Lopez nih cun minthang Madonna le Jon Bon Jovi hna cu a sawm hna i Israel ram chungah cun sunglawi taktak in concert a rak tuahpi t’hiam t’hiam hna. t’ihnak zei hmanh ngei lo in a voi khat nak cu concert tlamtling tein an tuah khawh tiah an chim.
Source: AF
